ليکنه: صابرحميدي
د افغانستان او ویسټ انډیز کرکیټ ملي لوبډلو ترمنځ د افغانستان په کوربتوب هند هیواد کي د درو شل آوریزه سیالیو د لړۍ څخه ئې دوهمه شل آوریزه لوبه نن ماښام ۶ بجې پېلیږي.
د افغانستان او ویسټ انډيز ترمنځ د درو شل آوریزه سیالیو لړۍ د پنجشبنې په ماښام پيل سوه، چي په لومړۍ لوبه کي افغان لوبډلي د ویسټ انډيز څخه د ۳۰ منډو په توپیر ماته وخوړه.
په یاده لوبه کي لومړی ویسټ انډيز توپوهنه وکړه.
ویسټ انډیز په ټاکلو ۲۰ آورونو کي د ۵ لوبغاړو په سوځېدو سره افغانستان ته د ۱۶۵ منډو هدف وټاکه.
کله چي د افغانستان ملي لوبډله د هدف پوره کولو لپاره میدان ته کښته سوه په ټاکلو ۲۰ آورونو کي ئې د ۹ لوبغاړو په سوځېدو سره ۱۳۴ منډي جوړي کړې او په دې سره ئې په لومړۍ شل آوریزه لوبه کي په ۳۰ منډو له ویسټ انډیز څخه ماته وخوړه.
د افغانستان او ویسټ انډیز کرکیټ ملي لوبډلو ترمنځ بیا درېیمه شل آوریزه لوبه سبا یکشنبه ماښام ۶ بجې ترسره کیږي.
افغان لوبډلي تر دې مخکي د درو یو ورځنیو لوبو لړۍ ویسټ انډیز ته درې پر صفر بایللې.