سپورټ کرکټ وزش او تمرین

زیمبابې کې د کرکټ لس اوریزه لیګ پيل شو!

د زیمبابې هیواد د کرکټ لس اوریزه کورنۍ سیالۍ پرون شنبه (د جولای میاشتې په ۴مه نېټه) پيل شوې.

په یاد لیګ کې به ۴ لوبډلې په اتو ورځو کې یو د بل په وړاندې سیالۍ ترسره کړې.

د زیمبابې هیواد په یاد کورني لیګ کې ګډونوالې ۴ لوبډلې کابوي سټار، کیټوي کینګز، لوساکا هیټز او نډولا بلیټس دي.

د دې لیګ په لومړۍ ورځ څلور لوبې ترسره شوې، په دوهمه ورځ نن یکشنبه هم څلور لوبې ترسره کیږي. په درېیمه ورځ یې د جولای میاشتې په ۱۱مه نیټه یې هم څلور لوبې ترسره کیږي.

خو د دې لیګ نیمه پایلوبې او پایلوبه بیا د جولای میاشتې په ۱۲مه نېټه ترسره کیږي.

د زیمبابې کرکټ بورډ وایې، چې د دې سیالیو څخه یې موخه داده تر څو لوبغاړي لوبو ته وهڅول شي او ددې ترڅنګ مینه والو ته دا زمینه برابره شي، چې له لوبو خوند واخلي.

د کورونا ویروس څخه راوروسته د نورو ورزشې لوبو ترڅنګ کرکټ هم عادي حالت ته راګرځېدلی.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ