فبروري 26, 2021

د ژوند په اړه څو زرینې خبرې

ژباړه: محمد عزيز پردېس
۱- که تاسو فکر کوئ چې يوه ورځ به راشي، چې ټولې ستونزې حل شي؛ نو تاسو تېروتي ياست، له اوسني ژوند څخه خوند اخېستل او پرې تمرکز کول مو عادت وګرځوئ.
۲- په ټکنالوژۍ له اندازې ډېر اعتماد کول تېروتنه ده. د خپل هر مهم اسناد يوه کاپي له ځان سره وساتئ.
۳- اجازه ورکړئ چې اعمال مو د ارزښتونو وياندويي وکړي.
۴- خوښ ژوند کول ځان غوښتنه نه، بلکې د هر انسان غوښتنه او حق دی.
۵- ډېرې پيسې او شهرت ستاسو د نېکمرغۍ اصلي سببونه نه دي.
۶- ستاسو خوښ پاتې کېدل، ستاسو خپله دنده ده؛ نه د بل چا.
۷- تاسو د دې مسوليت نه لرئ چې نور دې تاسو سره څنګه چلند وکړي، بلکې تاسو د خپلو غبرګونونو مسول ياست.
۸- هرکله چې خپله مو د خپل ژوند په اړه پرېکړه ونکړئ، نور به خپل افکار او باورونه پر تاسو تحميل کړي او ستاسو پرځای به پرېکړه وکړي.
۹- د دې نړۍ ترخه حقايق: د عدالت په نامه څه په دې نړۍ کې شتون نلري – ژوند منصفانه نه دی – ښه خلک به تل بريالي نشي.
۱۰- خوښ پاتې کېدل د ژوند غوښتنه ده، خوښ پاتې شئ چې ژوند وکړای شئ.
۱۱- خپله دروني ( عاطفي او شخصيتي ) خلاء په هر څه سره مه ډکوئ.
۱۲- ستاسو شغلي عنوان ستاسو رښتينی استازيتوب نه کوي، ستاسو شخصيت ستاسو ترټولو غوره پېژندنه ده.