سپورټ کرکټ وزش او تمرین

ظاهر خان ویسټ انډیز هیواد ته روان شو

لیکنه:محمدصابر حمیدي

د افغانستان د کرکټ ملې لوبډلې تکړه سلو توپ اچونکی ظاهر خان پکتین د ویسټ انډیز هیواد په کورنیو تجارتي سیالیو کې د ګډون په موخه پرون د اختر په لومړۍ ورځ ویسټ انډیز هیواد ته روان شو.

ظاهر خان پر خپلې رسمې فیسبوک پاڼې له ټولو هیوادوالو غوښتې، چې د ویسټ انديز هیواد په کورنیو تجارتي سیالیو «CPL» کې د ځلېدو په موخه ورته دعاوي وکړې.

 

د راپورونو له مخې ظاهر خان د ویسټ انډیز په کارابین سیالیو کې خپلې پخوانۍ لوبډلې له ځان سره ساتلی وو او سږ کال به یو ځلې بیا د یادې لوبډلې سره ولوبیږي.

په دې سره دا تم افغان لوبغاړی دی، چې سږ کال به د ویسټ انديز هیواد په یاد لیګ کې ولوبیږي.

تر دې مخکې په یاد لیګ کې نجیب الله ځدران، محمدنبي عیسی خېل، راشدخان ارمان، قیس احمد، رحمن الله ګربز، نوراحمد لکڼوال او نوین الحق اخیستل شوي دي.

دا لومړی ځل دی، چې په کارابین لیګ کې به دومره شمېر افغان لوبغاړي ولوبیږي.

د ویسټ انډیز هیواد د کرکټ کورنی لیګ «CPL» د روانې اګیسټ میاشتې له ۱۸مي بیا د سیپټمبر میاشتې تر ۱۰مي نېټې پورې ترسره کیږي.

د CPL لیګ تنظیموونکو خبر ورکړی، چې ټولي لوبې د ویسټ انډيز هیواد په دوو ښارونو ترینیداد او توباګو کې ترسره کیږي.

دوی وایي لوبغالي ته مینوال نشي ورتللای او لوبې به ټولې د بندو دروازو تر شاه ترسره شي.

د کورونا ویروس څخه راوروسته به د ویسټ انډيز هیواد CPL لیګ لومړنی لیګ وي، چې ترسره شي.

دا د کاربین لیګ اتم پړاو دی، چې اګسټ میاشت کې به پیل شي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ