Advertisements
اقتصاد ټولنیز ژوند ژوند بڼه ساینس او ټیکنالوژي

د یوټیوب د زیاتو پیسو ګټوونکي؛ تر ټولو مخکې یو اته کلن ماشوم دی

مشهورې امریکایې اقتصادي مجلې فوربز د نړۍ د ویډیوې ویبپاڼې (یوټیوب) د یوه کال تر ټولو د زیاتو پیسو ګټوونکي کسانو نوملړ خپور کړی.

د دغه نوملړ له مخې د ۲۰۱۸ کال د جون د میاشتې د اولې نېټې څخه تر ۲۰۱۹ کال د جون میاشتې د لومړۍ نېټې پورې دغه یوټیوب چینلونو ډېرې پیسې ګټلې، په دغه نوملړ کې ۱۰ ویډیو چینلونو په ټوله کې ۱۶ کروړه او ۲۰ لکه امریکایې ډالره ګټلي دي.

د پیسو ګټل جالب نه دي، حیرانوونکې خبره دا ده چې د دغه کال تر ټولو د زیاتو پيسو ګټوونکو کسانو په نوملړ کې اول نوم د یوه عمر ته رسیدلي ځوان نه بلکې د یوه ۸ کلن ماشوم دی، چې په یوټیوب تر ټولو زیاتې پیسې ګټلي دي.

دغه ماشوم د تیر کال او روان کال په سیالیو کې ۴۰ لکه امریکایې ډالره څخه زیات ګټلي دي.

فوربز مجلې یوازې د هغه کسانو نومونه لیکلي چې په دغه نوملړ کې شامل دي او زیاتې پيسې یې ګټلي دي خو په لسو لومړیو ډېرو پيسو ګټوونکو کسانو کې د جنوبي اسیا یو ویډیو چینل هم نشته .

تر ټولو د زیاتو پيسو ګټوونکي ماشوم ریان کجي د امریکا دی خو په دریم نمبر په دغه لیسټ کې یوه پنځه کلنه ماشومه ده چې روس کې ژوند کوي.

په دویم نمبر کې د زیاتو پيسو ګټوونکو د ۳۰ کلن چند کلاس فیلوز چینل دی چې په امریکا کې یې د پوهنتون د تعلیمي دورې پر مهال دغه چینل جوړ کړی وه.

10) ونوس ګیمینګ ـ

د ګاناډا اوسېدونکی دی او دغه کال یې د یوټیوب چینل له لارې یو کروړ او ۱۵ لکه امریکایې ډالرو څخه زیات ګټلي دي.

9) ډینیئل مډلټن:

د برتانیې هیواد اوسېدونکی دی او په دغه موده کې د یوه کروړ امریکایې ډالرو څخه زیاتې پيسې ګټلي دي.

8) مارک فچ بش:

د امریکا اوسېدونکی دی نوموړي هم په دغه ټاکلې موده کې یو کروړ او ۳۰ لکو امریکایې ډالر د یوټیوب له لارې ګټلي دي.

7) پیوډي پائي:

د سویډن هېواد اوسېدونکی دی، نوموړي د خپل یوټيوب چینل له لارې د یو کروړ او ۳۰ لکو امریکایې ډالرو څخه زیاتې پيسې ګټلي دي.

6 ) پریسټن ارسمنټ:

د امریکا اوسېدونکی دی د مجلې د معلوماتو له مخې نوموړي په تېر کال کې د یوټیوب له لارې یو کروړ او ۴۰ لکه ډالر ګټلي دي.

5) جیفري اسټار:

د امریکا اوسېدونکې ده، ویل کیږي نوموړې د خپل یوټیوب چینل له لارې یو کروړ او ۷۰ لکه امریکایې ډالره پيداوار لري.

4) رټ اینډ لنک:

امریکایې دی او د خپل یوټیوب چینل له لارې یو کروړه او ۷۵ لکه امریکایې ډالره ګټه لري.

3) انسټاسیا ردزنکسیا:

دا کوچنۍ ماشومه د روس ده، ویل کیږي پنځه کلنه ده او د خپل یوټیوب چینل په مرسته یې په تېر یوه کال کې ۸۰ کروړه امریکایې ډالره ګټلي دي.

2)  ډیوډ پرفیکټ:

دا امریکایې دی او د معلوماتو له مخې نوموړي د خپل یوټیوب په مرسته ۲ کوړه امریکایې ډالره ګټه کړې ده.

1) ریان کجی:

اته کلن امریکایې ماشوم د خپل یوټیوب چینل له لارې تر ټولو د زیاتو پيسو ګټوونکی کس دی، د معلوماتو پر بنسټ نوموړې د خپل یوټیوب له لارې ۶۰ لکه امریکایې ډالره ګټلي دي.

 

Advertisements

د لیکوال/ لیکوالې په اړه

ابوبکر عليزی