اپریل 11, 2021

د ملګرو ملتونو غونډه؛ د نړۍ مشرانو ولې ټرمپ پورې وخندل؟

Advertisements

بشر دروېش
د ملګرو ملتونو په عمومي غونډه کې د امریکایي ولسمشر ډونالډ ټرمپ د وینا پرمهال د نړۍ مشرانو د هغه وینا پورې خندلي.
خو ډونالډ ټرمپ دا راپور نه مني؛ هغه وایي د غونډې ګډونوالو ده پورې نه دي خندلي، بلکې له ده سره یې خندلي دي.
ټرمپ پورې ولې وخندل شول؟
ټرمپ د خپلې وینا پرمهال وویل: د امریکا په تاریخ کې یوه دولت هم د ده د دولت هومره ډېرې بریاوې لاسته نه دي راوړي.
له دې خبرې سره، د غونډې ګډونوال په خندا شول.
ټرمپ له خندا سره یوه شېبه غلی شو او بیا یې وویل: د دې غبرګون تمه مې تاسو نه نه لرله، خو پروا نه لري.
معلومه نه ده، چې د نړۍ د کومو هېوادونو ټرمپ پورې خندلي، خو دا مسئله د نړیوالو رسنیو په سرټکو کې ده.

د ټرمپ غبرګون
ټرمپ د ملګرو ملتونو له غونډې وروسته په یوه خبري ناسته کې دا رد کړه، چې ګواکې د نړۍ مشرانو د ده خبرو پورې خندلي دي.
ټرمپ وویل، چې په دې اړه خلکو ته غلط معلومات ورکړل شوي.
د هغه په وینا د ده وینا پرمهال د ملګرو ملتونو غونډه پر ټولو په خوښۍ تېره شوه او یو بل ته درناوی پکې موجود و.
ټرمپ دا هم وویل، چې په ملګرو ملتونو کې یې د نړۍ مشرانو ته وینا کوله، هغوی مسلکي خلک دي او له چکو وهلو، هڅونې یا موسکا سره چندان بلد نه دي.
د نیکي هیلي توجیهات
په ملګرو ملتونو کې د امریکا دایمي استازې مېرمن نیکي هیلي د ټرمپ په خبرو کې صراحت او صداقت د غونډې د ګډونوالو د خندا سبب ګڼلی.
هغې له فاکس نیوز سره د مرکې پرمهال د ټرمپ د وینا ننګه کړې.
مېرمن هیلي ویلي:« رسنیو په دې اړه ډېره تېروتنه کړې، آیا نور هېوادونه امریکا نه خوښوي؟ نه، آیا امریکا ته احترام لري؟ هو، چې داسې ده نو کله چې هغه (ټرمپ) خبرې کولې، د هغه سپینې او صریحې خبرې د نړۍ د مشرانو خوښې شوې، ځکه دا ډول خبرې دیپلوماتیکې نه وې، دوی له همدې وجې وخندل»
د امریکا سفیرې زیاته کړې:« هغه ډېر ریښتینی غږیده، د نړۍ مشران هک پک شول، ځکه د داسې خبرو تمه یې نه لرله. وروسته تاسې ولیدل، چې هغوی ټول ورته د عکس اخیستو لپاره ورغلل او ویې ویل چې ډېره لوړه وینا یې وکړه».

د شهزاد محمدي شوخي او د خلکو مینه

لیکوال: سمیع الله درانی - برخه : سپورټ

Advertisements شهزاد محمدي د افغانستان په لوبډله یو له ساعت تیرو لوبغاړو څخه دی، چې هر وخت له مینوالو، لوبغاړو، داخلي لوبو او بهرنیو لوبو کې له لوبغاړو سره خوش طبعي کوي. د کرکټ ملي ... نور ولولئ