د کرونا وبا مثبتي پېښي له ۱۰ مېلیونو او روغ سوي له ۵ مېلیونو اوښتي

خبریال: فضل الله فضلي
تېره ورځ په نړۍ کي د کرونا ویروس یا کوایډ ۱۹ تنفسي ناروغۍ مثبتي پېښي تر ۱۶۳ زرو پوري ثبت سوي وې.
لدې سره د نړۍ په ۱۸۸ سیمو او هیوادونو کي په کرونا ویروس د اخته سوو کسانو شمېر تر ۱۰ مېلیونو واوښتی او پدې شمېر کي بیا د روغ سوو کسانو شمېر تر ۵ مېلیونو ډېر سوئ دئ.
همداراز بیا له دې ویروسه د مړینو شمېر تر ۵ لکو واوښتئ.
کرونا وبا په نړۍ کي امریکا او ددې لويي وچي هیوادونه ډېر ځپلي دي او لا یې هم مرکز بلل کیږي.

د امریکا نیویارک ښار وبا ډېر وځپئ او اوس پدې ښار کي کرار کرار کاروبارونه بیا پرانیستل کیږي.
دوهم هیواد برازیل دئ چي کرونا ویروس ډېر ځپلئ دئ او لا یې هم مثبتي پېښي ډېري ثبتیږي.
په نورو امریکايي هیوادونو کي هم هره ورځ مثبتي پېښي زرګونو ته رسيږي.
ورپسې دریم روسیه او څلورم هند دئ، چي په هند کي د کرونا ویروس اوس هم خورا چټک پکښي خپریږي.
د روسيې مرکز مسکو تر ټولو سیمو ډېر ځپل سوی، خو پدې وروستیو کي یې کاروبارونه کرار کرار پرانیستل کیږي.

په نورو آسیايي هیوادونو پاکستان، سعودي، قطر، بنګله‌دیش، عمان، عراق، اندونیزیا، ایران او ترکیه کي لا هم زرګونه مثبتي پېښي هره ورځ ثبتیږي.
اروپا کي بیا حالت پخوا او عادي لور ته روان دئ، که څه هم ځپل سوي هیوادونه یې هره ورځ نږدې ۱۰۰۰ مثبتي پېښي ثبتوي.
په فرانسه، جرمني، ایټالیا، هسپانیا او برېتانیا کي ورځ په ورځ بندیزونه نرمیږي او تر ټولو ډېر تمرکز یې په تاریخي او د سیل په ځایونو دئ، چي حکومتونه یې غواړي، بیا یې ژر د سیلانیانو شمېر ډېر سي.

بلخوا د افریقا په لویه وچه کي هم مثبتي پېښي هره ورځ تر ۱۰ زرو ډېري سوي او حالت پکښي خرابيدونکی دئ.
نړیوال اندېښنه لري، چي که په افریقايي هیوادونو کي د کرونا وبا پر وړاندي سمه مبارزه ونه سي، نو د نړۍ تر بلي هري سیمي به په افریقا کي ناورین ډېر وي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




د نوي تړون په اساس نیمار ته د ورځې یو لک ډالر ورکول کیږي

لیکوال: محمد صابر حمیدي ، کندهار - برخه : سپورټ

د برازیل هیواد د فوټبال ملې لوبډلې او د فرانسوي کلب پاریسن جرمېن تکړه او نامتو بریدګر لوبغاړي نیمار د پاریسن جرمېن لوبډلې سره تېره شنبه تر ۲۰۲۵م کال پوري تړون وکړ او اوس به ... نور ولولئ