پاکستان کريکټ بورډ: د هند د ليګ لپاره د اسياکپ لغوه کيدل نه منو!

خبريال: مدثر دعوت
د پاکستان کريکټ بورډ رئيس احسان ماني ويلي چي د هندوستان پريمرليګ لپاره د اسيا کپ لغوه کيدل زموږ لپاره د منلو نده.
د هندوستان کريکټ بورډ اوس پدې هڅه کي دی تر څو اسياکپ لغوه کړي او پر هماغه وخت د هندوستان پريمر ليګ لوبي تر سره سي.

که څه هم IPL د مارچ په ۲۹مه پيليدی خو د کرونا ويروس له امله د اپريل تر ۱۵ وځنډيدی او دادی اوس تر می مياشتي وځنډيدی، داسي شکونه هم سته چي بيخي دي لغوه سي.
اسياکپ چي د اسيايي لوبډلو ترمنځ ترسره کيږي سږکال يې کوربتوب پاکستان کوی خو دا چي هندوستان د سياسي کړکيچ په خاطر خپل ورتګ ناشونی وبلی نو شاید په عربي اماراتو ياهم بنګلديش کي ترسره سي خو کوربتوب چاري به يې د پاکستان په لاس کي وي.

پاکستان کريکټ بورډ راضي دی چي اسيا کپ د پاکستان دباندي ترسره سي خو دا نه مني چي بيخي دي لغوه سي.
د پاکستان د کريکټ بورډ مشر احسان ماني وايي:” اسياکپ په يوه هيواد پوري تړاو نلري دا د څو هيوادونو مشترک تصميم دی او ددې لاري د کريکټ اړوند ځانګړې بوديجه ترلاسه کوي،د پاکستان ترڅنګ نور هيوادونه هم پيسو ته اړتيا لري او د راتلونکي نړيوال جام لپاره ددې پيسو ترلاسه کول مهم دي،د يوه هيواد د ليګ لپاره بايد د څو هيوادونو مسلې ته فکر وسي”.

تمه ده چي اسيا کپ به په سمپټمبر مياشت کي ترسره سي خو که د کرونا ويروس پيښي همداسي لاپسې وغځيږي شايد دا لوبي لغوه سي.

Be the first to comment

Leave a Reply

Your email address will not be published.




سریلانکا؛ د هند څخه یې سریز وګاټه، بورډ یې یولک ډالر انعام ورکړ

by محمد صابر حمیدي ، کندهار in سپورټ

هند او سریلانکا کرکټ ملې لوبډلو د سریلانکا هیواد په کوربتوب د دریو یوورځنیو او دریو شل اوریزه سیالیو لړۍ ترسره کړه، چې د یوورځنیو لوبو لړۍ هند او د شل اوریزه سیالیو لړۍ بیا ... نور ولولئ