د ښځو نړيواله ورځ او د نړيوال جام پايلوبه!

ليکنه: مدثر دعوت
نن د ښځو نړيواله ورځ او د ښځينوو د نړيوال جام پايلوبه ده.
د ښځينوو نړيوال جام دوې مخکښي لوبډلي هندوستان او اسټراليا نن تر غرمې مخکي ۱۱:۳۰ بجې د جام د پورته کولو لپاره خپل زور ازمايي.

پايلوبه د اسټراليا په ميلبورن کريکټ لوبغالي کي ترسره کيږي.
اسټراليا ښځينه کريکټ لوبډله څلور ځلي ددې جام اتله سوې ،يوځل تر نيمه پايلوبي تللې او يوځل يې دويم مقام ګټلی دی.

هندوستان تر اوسه د ښځينوو نړيوال جام ندی ګټلی،دا يې لومړی ځل دی چي پايلوبي ته ځي،دوه ځلي تر نيمه پايلوبي تللي او درې ځلي په ګروپي لوبو کي وتلي دي.

د نن پايلوبي لپاره دواړو لوبډلو د پوره چمتوالي خبر ورکړی،پداسي حال کي چي د اسټراليا پياوړې الراونډره ايلايز پيري د زخمونو له کبله لوبه نسي کولای.

اسټرالياوی تيزتوپ اچوونکی ميچل سټارک هم د خپلي ميرمني اليزا هيلي د لوبي کتلو لپاره سويلي افريقا کي خپله لوبډله لا له وړاندي پريښې وه او نن به د ښځينوو نړيوال جام ننداره له نيږدې وکړي.

دا چي نن د ښځو نړيواله ورځ ده لا له وړاندي دا پلان نيول سوی وو چي پايلوبه بايد په همدې ورځ وي.

Be the first to comment

Leave a Reply

Your email address will not be published.







وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ