اپریل 19, 2021

د نړۍ لطیف مخلوق؛ ښځه خاوند سره د خدای امانت دی

لیکنه او راټولونه

هر څه ځانته ښکلا لري، خو د بشر ښایست له هيڅ ښکلا سره ورته نه دی. د الله ج په دې ښایسته خلقت کې ښځه د بشري تاریخ په اوږدو کې د بشریت تر ټولو مظلوم ترینه طبقه بلل کیږي، لطیفه، نازکه او د احساس څښتنه ده.

د ماشوم لپاره فرښته ده، د یو نارینه لپاره ښځه مور ده، خور ده، مېرمن ده، لور ده او ملګرې.

ښځه د نارینه د سترګو تور ده، د زړګي سر ده او د سر تاج، ښځه خوشالي ده او د ټولو ډاډ ده، ښځه د نارینه د ژوندانه د لارې مل ده او د کور رڼا ده، ښځه مینه ده او مینه سپېڅلې ده.

ښځه د سکون سېمبول دی، د عزت خاونده او د زانګو ستره استاده، کوم چي نن په خپلو لاسونو د سبا امپراطور، عام او یو لوی انسان زنګوي.

ځینې پوهان د ښځو په هکله وایي:

ـ ښه ښځه د ښه خاوند محصول دی، ښه ښځه د نارینه صابون دی.

ـ جدي ښځه د واقعي عشق درمان دی.

ـ انتخاب د ښځې او هيندواڼې ستونزمن کار دی.

ـ کور پرته له ښځې هغه څاه ده چې سلواغه نه لري.

ـ ښځه بلا ده ولې هیڅ کوره دې بې بلا نه وي.

ـ ښځه د خدای ج امانت دی له مېړه سره.

ـ بې له ښځې نه شپه تېریږي او نه ورځ.

ـ د ښځې طبیعت لکه سمندر غوندې دی. یوه وړه تیږه پکې ډوبیږي، خو یوه لویه کېږدۍ نه.

ـ ښځې په ماغزو کې یو مضمون لږ او په زړه کې یو احساس ډېر لري.

ـ یواځې هغه څوک چې مینه پېژني، ښځه درک کولی شي.

ـ ښځې کولی شي هر څه لاس ته راوړي، ځکه دوی په هغه چا واکمن دي چې د هر شي واک یې په لاس کې دي.

ـ خدای ښځه د نارینه له ککرې نه ده جوړه کړې چې نارینه پرې امر کوي، او نه یې د نارینه له پښو جوړه کړې چې تل یې مرییي وي. بلکې خدای ښځه یې د نارینه له اړخه جوړه کړې، هغه برخه چې زړګي ته نیږدې ده.

ـ د یوې ښځې کرکټر هغه وخت ښکاري چې مینه ختمېږي، نه هغه وخت چې مینه پیلیږي.

ـ د یوې ښځې لپاره ښایست ځکه تر هوښیارۍ مهمه دی چې نارینه ته کتل اسانه دي، تر اند کولو.

ـ که غواړئ چې پرمختګ وکړئ نو له خپلې ښځې پوښتنه وکړئ.