مارچ 2, 2021

د ویټامین ډي کموالی او د خېټې لویېدل

ژباړه: مهر تاج

د ویټامین ډي D کموالۍ د انسان د وجود په ټولو غړو باندې ډېر بد سیوری درلودی شي.
ورستیو څېړنو ښودلې ده، چې د انسان د ناموزون اندام سبب هم جوړېدای شي، لکه د خېټې لویېدل یا غټېدل.
د «امریکا جرنل آف کلینیکل نیوټرشن» لیکي: “طبي متخصیصین د ځینو څېړنو وروسته دې پایلو ته رسېدلي، چې د ویټامین ډي کموالۍ نه تنها د هډوکو د کمزورتیا سبب کېږي، بلکې په اندام هم مسقیم تاثیر پرېباسي.
هغه کسان، چې د «ویټامین ډي» کموالی لري، نا متوازن یا نامنظم اندام لرونکي وي، لکه وتلې خېټه او داسې نور…

د دوی په وینا ویټامین ډي د وجود په دفاعي سیستم هم مستقیم تاثیر لري.
یعنې هغه کسان چې د ویټامین ډي کمۍ ولري، زر په مختلفو ناروغیو اخته کېدای شي.
د مخصیصینو په وینا په مشخصه اندازه د ویټامین ډي شتون د ښځو په بدن کې حتمي دی.
د ویټامین ډي کمۍ زموږ په ګران هېواد کې اکثریت په ښځو کې ډېر لیدل کېږي.
لمر نه اخیستل (د افغانستان اکثریت وګړي استثنا دي، ځکه لمر ته کار و کسب کوي) او نامنظم خوراک کول د ویټامینو د کمي سبب کېږي.
متخصیصینو زیاته کړې، چې د کورونا وایرس په ناروغانو کې هم د ویټامین ډي کمي لرونکي کسان په لمړي خط کې راځي.
ځکه چې د دغه ګروپ خلکو دفاعي سیستم ضعیفه وي او وایرس پر دوی ډېر زر حمله کولای شي.

څنګه کولي شو د خیټې اضافي وازدي یا چربي له منځه یوسو ؟

ـ باید یو منظم پلان ولرو، چې په اوږده موده کې مو بدن خپل د ضرورت وړ ویټامین ډي واخلي، د بدن غړي مو متوازن يا برابر شي او خپله ښکلا بېرته ترلاسه کړو. د بدن فاعي سیستم مو قوي شي او د هډوکو درد او کسالت ونه لرو.
ـ هره ورځ له پنځلسو ۱۵ دقیقو څخه تر نیم ساعت د ګرمۍ په موسم کې د سهار له لسو ۱۰ بجو نه مخکې یا د مازدیګر څلورو ۴ بجو نه وروسته ځانونو ته د جامو پرته لمر ورکړو، د ژمي په اوږدو کې لمر تل نعمت دی.

ـ خپلو خوړو ته پوره پاملرنه وکړو؛ هغه خوراکي توکي ډېر وخورو، چې پرېمانه ویټامین ډي لري. لکه ټوله ترکاري، شیدې، هګۍ، د کبانو غوښه، ماسته، پنیر، تازه پالک او داسې نور طبیعي خواړه.
ـ په بازار کې د ویټامین ډي ګولۍ هم ترلاسه کولی شو، چې مختلف نومونه او د ویټامین ډي مقدار لري.
د یادونې وړ ده چې د ډاکټر په مشوره د یادو ګولیو ګټه پورته کولي یا کارولي شو.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




راشدخان: د یوه قوي ټیم درلودلو لپاره اړتیا ده، زیاتې ټیسټ لوبې وکړو

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي     د ایسفاین کرکی انفو د راپور له مخي د افغانستان د کرکټ ملې لوبډلې نامتو لوبغاړي راشدخان ویلي، چې که موږ په کال کې له درې ـ څلورو لوبو ډېرې ... نور ولولئ