پوهنه رسنۍ له نړۍ

اوس کولای سئ ويکيپډيا کي تر ۶ ميليونه ډيري انګليسي ليکني ولولئ!

لیکنه: مدثر دعوت

ليکنه: مدثر دعوت

د زده کړي،پيژندګلويو او مالوماتو په برخه کي ويکپډيا د نړۍ تر ټولو غني انلاين رسنۍ ده.

و يکيپډيا ادارې په يوه نوي اعلاميه کي خبر ورکړی چي اوسمهال په ويکيپډيا کي تر ۶ ميليونه ډيري انګليسي ليکني لوستلای سئ.

د ويکميډيا د ګروپ مشر سيد ريان ميرکلي ويلي: ۱۹ کلونه کيږي چي ويکپډيا په هغي ژمني او تګلاره روانه ده چي څنګه کولای سي انسانان په ګډه کار سره وکړي.

د ويکپيډيا هغه ليکنه چي ۶ ميليونه پوره کوي د کاناډايۍ ماريا ايليس ټرنر لاوډر په اړه ده چي په ۱۹مه پيړۍ کي ښوونکې،سفر ليکوونکې او افسانه ليکوونکې تيره سوېده.

دې سايټ ۵ ميليونه انګليسي ليکني په ۲۰۱۵ز کال کي پوره کړي وې.

په ويکپيډيا کي د پښتو تر څنک په نورو ژبو کي هم ډيري مقالې سته خو انګليسي ژبه په ډير توپير ترې مخته ده.

په جرمني ژبه ۲.۳ ميليونه، او په فرانسوي ژبه ۲.۱ ميليونه مقالې په ياد سايټ کي خپرې سويدي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ