Advertisements
ټولنیز ژوند ژوند بڼه ساینس او ټیکنالوژي

وایفای او ګرځنده موبایلونه د نارینه وو د بې اولادۍ سبب ګرځي

ژباړه: نسیمه محمدي

د دخانیاتو کارول او چاغوالی په نارینه وو کې د عقامت (بې اولادۍ) احتمال زیاتوي او د ځینو څېړنو پر بنسټ، د وای فای څپې او ګرځنده موبایل کارول هم د نارینه وو په شنډتوب اغېز لري.

نیما نریمانی، د ایران د روغتیايي زده کړو د پوهنتون استادې ایرنا ته وویل: په نړۍ کې د عقامت منځنې اوسط ۱۵ سلنه دی. نوموړې دې ته په اشارې جې د عقامت عوامل ۵۰ سلنه په نارینه او ۵۰ سلنه نور په ښځې پورې تړاولري، وویل: “د نارینه وو د کاري چاپېریال او ځینو خطر لرونکو شرایطو سره مخېدل، له دې جملې په ګرم چاپېریال کې کار کول، د کیمیاوي موادو سره تماس، د زهري ګازونو استنشاق او داسې نور عوامل په نارینه وو کې د بې اولادۍ سبب کېږي.”

نوموړې وړاندې وویل: “د ژوند ناسم حالتونه هم د بې اولادۍ سبب کېدای شي، مثلاً له خطره ډکې جنسي اړیکې او له دې لارې د مېکروبونو انتقال د احتمالي شنډتوب لامل کېږي، همدارنګه د سېګرټو، قیلون او د الکولي مشروباتو کارول، په بې اولادۍ کې خورا لوی رول لري.”

نیما، چاغوالی د بې اولادۍ یو بل لامل یاد کړ او ویې ویل: “د خوړو د بدلونونو له امله چاغوالی په ټولنه کې مخ په زیاتېدو دی او دا مسئله هم په ښځینه او هم په نارینه وو کې د عقامت لامل کېږي.”

د یورولوژي د برخې دې متخصصې وویل: “هغه نارینه چې ګرځنده موبایلونه د کالیو په بغل جیب کې ګرځوي یا لپ ټاپ په پښو (ورنونو) ږدي، د بې اولادۍ ګواښ یې ډېر زیاتېږي.”

نوموړې وویل دا چې د بې اولادۍ څخه مخنیوی زیات ارزښت لري، زیاته کړه: که څه هم نن ورځ نړۍ د بې اولادۍ د ستونزې د حل په برخه کې ستر بریالیتوبونه لاسته راوړي، خو بیا هم د خلکو د پوهاوي او د دې عواملو په مخنیوي کې باید غفلت ونشي.

Advertisements

د لیکوال/ لیکوالې په اړه

نسیمه محمدي ، کابل کې د یاران د ټیم غړې

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ