د BBC د یوه راپور له مخې؛ د روغتيا نړیوال سازمان د بېوزله هېوادونو لپاره دوه ملیارده د کورونا ضد واکسین چمتو کول غواړي.
د روغتیا نړيوال سازمان په ورستۍ خبرپاڼه کې ویلي دي، چې دوی د دوه ملیارده واکسین، د عادلانه ویش په چمتو کولو بوخت دي.
د ٢٠٢م په لومړیو دریو میاشتو کې به دغه پروسه پلي کړي، چې د غریبو هېوادونو وګړو ته به ياد شمېر واکسین په وړیا توګه ورسوي.
د روغتيا نړيوال سازمان دې نوې لړۍ ته د “کواکس” نوم ورکړی دی.
د “کواکس” د پروګرام نه مقصد، په ټوله نړۍ کې د کورونا واکسین عادلانه ویش دی.
“کواکس” هغه نړیواله طرحه ده، چې د نړۍ ٧٦ شتمن هېوادونه سره په کې یو موټی شوي دي، او د کورونا څخه د خلاصون په موخه د دغې طرحې ټول مصارف پرې کوي.
دا پروسه د روغتیا نړيوال سازمان تر مشرۍ لاندې پر مخ وړل کېږي.
د “کواکس” يوازنۍ موخه د کورونا وبا څخه د نړۍ خلاصون دی.
د رواني اونۍ په پیل کې د روغتیا نړيوال سازمان وویل، چې دوی ٢٨ ملیارده ډالرو ته اړتیا لري؛ ترڅو بېوزله هېوادونو ته واکسین ورسوي او دا د نوموړو هېوادونو لپاره ناشوني ده، چې خپله دې وکړغی شي، چې دومره لوی رقم پیسې تیاري کړي.
تبصره مو ولیکئ