سبا افغانستان د ویسټ انډیز سره د شل آوریزه سیالیو لړۍ پیلوي

د افغانستان او ویسټ انډیز کرکیټ ملي لوبډلو ترمنځ د افغانستان په کوربتوب هند هیواد کي د درو یو ورځنیو سالیو ورورسته سبا پنجشنبه د درو شل آوریزه سیالیو لړۍ پیلیږي.

د افغان او ویسټ انډیز ټیمونو ترمنځ لومړۍ شل آوریزه لوبه سبا پنجشنبه، دوهمه شل آوریزه لوبه راتلونکې شنبه او درېیمه شل آوریزه لوبه بیا راتلونکې یکشنبه ترسره کیږي.
دا درې واړه لوبي ماښام ۶ بجې پیلیږي.

تر دې مخکي افغانستان د درو یو ورځنیو لوبو لړۍ درې پر صفر ویسټ انډیز ته وبایلله، چي درې واړه لوبي میلمه ویسټ انډیز د کوربه افغانستان څخه وګټلې او سریز ئې خپل کړ.

ویسټ انډیز په لومړۍ یو ورځنۍ لوبه کي افغانستان ته په ۷ ویکیټو ته، په دوهمه لوبه کي په ۴۷ منډو او په درېیمه یو ورځنۍ لوبه کي ئې بیا په ۵ ویکیټو ماته ورکړه.

ټاکل سوې، چي د دې دوو هیوادونو ترمنځ یوازینۍ ټیسټ لوبه بیا د رواني نومبر میاشتي په ۲۷مه نېټه پيل سي او د ډیسمبر میاشتي په لومړۍ نېټه پای ته ورسیږي.