Advertisements
سپورټ وزش او تمرین

د وزن پورته کولو دوه کندهاري لوبغاړي وستایل سول

۲۰ ورځي مخکي په کابل ولایت کي ملي لوبډلي ته غوره لوبغاړو موندلو په موخه د وزن پورته کولو سیالۍ ترسره سوې، چي پکښي دوه کندهاري لوبغاړو عطامحمد او بشیراحمد پکښي غوره مقامونه خپل کړل.

75022604_2375687949408326_3078453122629107712_n91-768x512-1.jpg

د کندهار د بدني روزني ریاست سرپرست مدیر آغا یاران ته وویل، چي عطامحمد په خپل وزن کښي لومړی او بشیر احمد بیا دوهم مقام د هیواد په سطحه خپل کړ.

د مدیر آغا په خبره، چي د یادو دوو لوبغاړو د ستایني په موخه کندهار ولایت مقام د سې شنبې په ورځ د هغوي لپاره ستاینغونډه جوړه کړې او د لسګونه ځوانانو له لوري یاد مقام ګټونکي لوبغاړي وستایل سول.

78554676_2260487330842895_6221870400159088640_o.jpg

په دې ستاینغونډه کي د کندهار مرستیال والي عبدالحنان منیب د یادو لوبغاړو څخه مننه وکړه، چي د خپل زیار او هڅو په مټ ئې مقامونه ګټلي.

78090973_2260487554176206_7275413924973903872_o.jpg

هغه زیاته کړه، چي د کندهار ولایتي اداره په کندهار کي ورزش ته ډېره پاملرنه لري او تل به هغه لوبغاړي ستایي، چي د کندهار او هیواد لپاره ښه ځلیږي.

د یادي غونډي په پای کښي د وزن پورته کولو لوبغاړو ته د ولایتي ادارې له لوري ایوارډونه او جایزې ورکړل سوې.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.