روغه سټه ژوند بڼه

د مخ پوستکي ته د وریجو د اوبو ګټې؛ د استعمال اسانه طریقه یې

هغه اوبه چې د وريجو له خيشتولو څخه وروسته پاتې کېږي، د وريجو اوبو په نامه يادېږي. د وريجو له اوبو څخه د مخ پوستکي ښکلا لپاره تر ټولو اسانه او ارزانه لاره ده. د وريجو له اوبو څخه کارونه له پخوا څخه په چين او جاپان کې کېده، هغو چينايې او جاپاني جلکيانو چې غوښتل يې ويښتان يې ښکلي او اوږده شي، د وريجو اوبو کې يې ويښتان مينځل.

د وریجو اوبو سره له دې له بې شمېرو ګټو برخمنې دي، زمونږ د مخ، ویښتانو ښه والي لپاره یوه غوره نخسه ده، که غواړئ، چې ويښتان مو ښکلي شي، نو د وریجو په اوبو ماساژ ورکړئ.

د وريجو اوبو استعمال څه ډول ده؟

د وريجو اوبه په يوه لوښي کې واچوئ، او هره ورځ يې پر مخ باندې لکه د سپرې يا پاشولو په ډول وهئ ، چې دا لاندې ګټې لري:

۱ـ د وريجو اوبه د معدني موادو ښه سرچينه ده . نو په څښکلو سره یې خپل بدن ته معدنی مواد ورورسوئ.

۲ـ مخ له زوړوالي څخه ساتي او د مخ پوستکى مو کلکوي. چې پر مخ د وهلو طریقه یې پورته وښودل شوه.

۳ـ د وريجو اوبه دا خاصيت لري چې پر مخ ووهل شي نو د مخ پوستکى ښکلى او ځلا داره کوي.

۴ـ د مسمونو په بدلون سره پر مخ او د پزې پر سر واړه واړه سوري راخېژي، چې د وریجو اوبه د مخ واړه واړه سوريو لپاره غوره درمل دي.

۵ـ د بدن دفاعي سيستم پياوړى کوي.

۶ـ د انرژي څخه ډکه سرچينه ده.

۷ـ هغه ميندې چې ماشوم ته شيدې ورکوي، د وريجو اوبه دې وڅښکي، ځکه د مور شيدې ډېروي.

۸ـ د وريجو اوبه د هاضمې سيستم پياوړى کوي.

۹ـ د وريجو اوبه د معدې ګازات کموي.

۱۰ـ د وريجو اوبه د اسهال ناروغۍ لپاره ښه درمل دي.

 

د لیکوال/ لیکوالې په اړه

مریم صدیقی، کابل

مريم د کابل پوهنتون له ژبو او ادبياتو څخه فارغه شوې ده. تر څنګ يې په ټولنيزو او کلتوري مسلو ليکنې کوي. هغه په پښتو درې سربېره په اردو او انګليسي ژبو هم پوهيږي خو د انګليسي ژبه زدکړې سره ډېره مينه لري.

تبصره مو ولیکئ

۱ تبصره