افغانستان رسنۍ سرسکالو سیاست

د سپین بولدک او چمن پر کرښه د  افغان او پاکستاني ځواکونو ترمنځ درنه جګړه پیل سوې

خبریال: فضل الله فضلي

دوه ساعته وړاندي د افغان امنیتي ځواکونو او پاکستانیو ملېشو ترمنځ د سپین بولدک او چمن دروازې ته نږدې د دواړو لورو لخوا درنه جګړه پیل سوې ده.

جګړه د افغان په مقبوظه خاوره چمن کي د بند سوو مسافر افغانانو تر زورولو وروسته پیل سوې ده.

Image may contain: outdoor and nature

تېره ورځ پاکستان ویلي وه، چي د اختر په مناسبت به دروازه خلاصه وي، چي تېره ورځ یې خلاصه کړې او نن یې بنده ساتلې وه، چي زرګونه افغان مسافر د کرښي ها غاړي ته بند پاته سول.

د کرښي د دروازې د نه خلاصېدو سره سم، په چمن کي پرلت کوونکو په تاتریخوالي لاس پوري کړی او پاکستاني ځواکونو ته یې زیات مالي زیانونه اړولي.

Image may contain: one or more people and outdoor

په پایله کي پاکستاني ملېشو افغان مسافر او لاريون کوونکي په نښه کړي، چي درنه مرګ ژوبله یې ور اړولې ده.

نن ماښام ناوخته د دواړو ځواکونو ترمنځ نښته سخته سوې.

سپین بولدک ولسوالۍ ته د کندهار امنیه قومندان جنرال تادین خان او د سرحدي لوا قومندان جنرال انبیا د نورو افغان ځواکونو سره یو ځای رسېدلي او جګړه لا هم دوام لري.

څو شېبې وړاندي افغان ځواکونو پاکستاني ملېشې پر شا کړي او دروازه یې افغان ځواکونو ته پرې اېښي ده.

په جګړه کي د دواړو لورو ترمنځ د مرګ ژوبلي کره معلومات نسته، خو په جګړه کي لسګونه ملکي کسان په سپین بولدک روغتون بستر او نور د کندهار میرویس حوزوي روغتون ته پر لاري دي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ