هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

د افغانستان پر جګړې او د جنرال مک کريسټل پر ژوند جوړ شوی فلم سینما ته راځي

د جګړې ماشین – دا د هغه هالیوډي فلم نوم دی چې د افغانستان جګړه کې د یو پخواني امریکايي جنرال مک کریسټال په رول جوړ شوی دی.

فلم یو نظامي طنز دی او د مک کریسټل رول په کې د هالیوډ وتلي سینمايي ستوري براډ پیټ لوبولی دی.

ټاکل شوې دی چې دا فلم په امریکا او نوره نړۍ کې د مې په میاشت کې پر سینماګانو څرګند شي.

د (جګړې ماشین) کې د امریکايي جنرال مک کریسټل چې څو کلونه په افغانستان کې د ناټو په مشرۍ د میشتو ځواکونو قومندان و ، د ژوند په واقعی کیسې په طنزي بڼه تمرکز شوی.

مک کریسټال چې افغان ولسمشر حامد کرزی د افغانانو خواخوږی باله په رولینګ سټون مجله کې په یوې مرکې د هغه وخت پر ولسمشر بارک اوباما او د امریکا پر مرستیال ولسمشر جو بایډن د افغانستان د جګړې په اړه له سختو انتقادونو وروسته استعفا ته اړ شو. د جګړې ماشین فلم تر ډیر پر همدې قضیې راڅرخي.

د جګړې ماشین فلم په افغانستان کې د پخواني امریکايي جنرال سټینلي مک کریسټال د ژوند کیسه کوي چې پر سپینې ماڼۍ انتقادونه یې د استعفا سبب شول

دا فلم اصلا د امریکايي ژورنالیست میشل هسټینګس د هغه کتاب پر بنسټ دی چې د افغانستان د جګړې په اړه یې لیکلی دی.

د ” جګړې ماشین “ ډایرکټر ډیویډ میچوډ دی. نوموړی تر دې مخکې د ” ژویو سلطنت “ فلم یو له مشهورو فلمونو څخه و.

براډ پیټ چې په فلم کې د مک مهون په نوم د جنرال مک کریسټل رول لوبوي هم تر دې مخکې په یو شمیر نورو فلمونو لکه” متحد “ او ”قهر “ کې د امریکايي پوځي رول لوبولی دی.

د هالیوډ سینما په دې وروستیو کې د عراق ، افغانستان او د نړۍ د نورو جګړو په اړه او دې جګړو کې د بشري زیانونه په اړه د فلمونو جوړول زیات کړي دي. په ګڼو دې فلمونو کې د امریکا پر جګړیز سیاست یو ډول انتقادونه نغښتي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */