بریا او پرمختګ پوهنه خواړه خوندیتوب روغه سټه ژوند بڼه

د وېټامين D نوى خاصيت؛ له سرطان ناروغۍ مخنیوی کوي

Vitamin D vitamins healthy eating lifestyle doctor health with sign
ژباړه: نسيمه محمدي

د څېړونکو يوې ډلې دا پايله تر لاسه کړې، چې د وېټامين D مصرف په سرطان ناروغۍ د اخته کېدلو ګواښ کموي.

د JAMA Network Open په حواله، د يوې څېړنې پاپله ښيي، چې وېټامين D په بدن کې، د سرطان په ناروغۍ د اخته کېدلو ګواښ کموي.

متخصصانو دا آزمايښت د پنځه کلونو په موده کې، په پنځه ويشت زره روغو او ناروغو وګړو ترسره کړه، چې د دغه وېټامين نوى خاصيت يې کشف کړ. دغه څېړنه د ٥٠ کالو څخه لوړ عمر لرونکو نارينه وو او د ٥٥ کلونو څخه لوړ عمر لرونکو مېرمنو باندې ترسره شوې ده.

متخصصانو د دغې څېړنې ګډونوال، په څلورو ډلو ووېشل: د لومړۍ ډلې لپاره د وېټامين D او امېګا٣ خواړه تجويز شول. دويمې ډلې ته وېټامين D د پلاسيبو سره ورکړل شو، درېيمه ډله يوازې د امېګا٣ په مصرف پورې محدود شوه او څلورمې ډلې ته يوازې پلاسيبو ورکړل شو.

په ورته وخت کې ناروغان اړ شول، چې د وېټامين D او غوړو اسيدونو ورځنى مصرف ٨٠٠ واحد ته ورسوي. روغتياپالانو هر کال د هغوى روغتيايي وضعيت کنټرول او روغتيايي معاينات ترسره کول.

Foods rich in natural vitamin D. Balanced diet nutritio. Healthy eating concept. Top view, flat lay

تجربو ښودلې ده، چې خوړنيز قرصونه د سرطان ناروغۍ اخته کېدلو کې، هېڅ اغېز نه لري، خو د وېټامين مصرفوونکو ترمنځ د سرطان ناروغۍ له امله د مړينې کچه ټيټه وه.

په ورته وخت کې، د سرطان ډول/ټايپ هېڅ پايله اغېزمنه نه کړه. څېړونکو څرګنده کړې ده، چې د وېټامين D اغېز د بدن په اندازې/ جسامت پورې هم تړاو لري. د طبيعي وزن لرونکو داوطلبانو څخه ثبت شوى شاخص ٣٨% ته رسېږي، په داسې حال کې چې دا شاخص په چاغو وګړو کې مخ په صفر ځي. د مړينې د کچې کمښت هم، نږدې ١٧% وو.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ