بریا او پرمختګ سپورټ کرکټ وزش او تمرین

سېواګ؛ ویرات کولي باید د بنګلور له لوبډلمشرۍ لرې نشي

دا چې د هندوستان په سوداګریزو کرکټ لوبو کې د بنګلور لوبډله د تېرې جمعې په ورځ په یوه حذف کوونکې لوبه کې د حیدراباد لوبډلې له لاسه بهر شوه، ویرات کولي تر انتقادونو لاندې راغلی دی.

د کلکتې لوبډلې پخواني لوبډلمشر او د هندوستان د کرکټ لوبډلې پخوانی اوپنر توپ‌وهونکی ګمبیر وایي، اوس وخت د دې رارسېدلی دی، چې ویرات کولي له لوبډلمشرۍ لرې شي.

د هغه په خبره کولي د بنګلور لپاره په خپله لوبډلمشرۍ کې هېڅ اتلولي نه ده ګټلې.

د هغه په خبره کولي باید په آی‌پي‌اېل کې له ډوني او روهېټ شرما سره پرتله نشي.

ښایي د نوموړي مطلب دا وي، چې هم روهېټ شرما او هم ډوني په آی‌پي‌اېل کې څلور او درې اتلولۍ ګټلي دي؛ خو کولي په مقابل کې د پیاوړو لوبغاړو په شتون کې په اتلولۍ ګټلو نه دی بریالی شوی.

ګمبیر زیاتوي، چې ویرات کولي باید بدل شي.

ویرات کولي په سږ آی‌پي‌اېل کې پرله‌پسې ماتې وخوړې او بالاخره له سیالیو بهر شو.

خو په مقابل کې د هندوستان بل پخواني اوپنر توپوهونکي وېرېنډر سېواګ ویلي، چې ویرات کولي باید له لوبډلمشرۍ لرې نه شي.

سېواګ زیاته کړې، چې ویرات کولي د هندوستان ملي لوبډلې لپاره یو ریکارډي لوبډلمشر دی.

د هغه په خبره ویرات کولي د هندوستان لپاره په شل اوریزو، یو ورځنیو او ټېسټ لوبو کې غوره تمام شوی او د لوبډلمشرۍ پوره وړتیا لري.

سیواګ وایي منېجمېنټ او اداره هم باید یواځې د لوبډلمشر کار ونه بلل شي، بلکې د لوبډلې هر غړی باید په کې برخه واخلي.

سېواګ زیاتوي چې د بنګلور لوبډلې د توپوهنې ترتیب سم نه دی.

د نوموړي په ټکو دېفدت پاډیکل باید په څلورم نمبر توپوهنې ته راښکته شوی وای.

خو پاډیکل اوپننګ ته راته.

هره لوبډله باید د توپوهنې ترتیب ولري، خو آر‌سي‌بي یې نه لري.

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې

تبصره مو ولیکئ