عثمان غني د خپل ماشوم مينوال پخاطر د بند امير لوبغاړی دی

ليکوال: مدثر دعوت
د افغانستان کريکټ ملي لوبډلي توپوهونکی عثمان غني د خپل ماشوم مينوال په غوښتنه د بند امير لوبډلې سره يوځای سوی.
احمد الياس ډېر ماشوم ځوان دی خو د کريکټ په نړۍ کې د عثمان غني سره بې حده مينه لري.
احمد الياس وايي په عربي اماراتو کې د عثمان غني لوبې خورا خوند راکړ،هغه مهال بيا لا راباندې ګران سو چې کله مې ورسره وليدله او ماته يې ډېره مينه راکړه،نو ځکه يې هره لوبه تعقیبوم او د نيږدې يې هم ګورم.

الياس وايي د شپږېزې لېګ تر بولۍ وړاندې مې خپل پلار ته چې د بند امير لوبډلې مالک دی وويله چې عثمان غني به په شپږيزه کې زموږ د لوبډلې سره لوبېږي چې هغه هم راسره ژمنه وکړه او پرځای يې کړه.
عثمان غني د افغانستان ملي راډېو تلوېزيون سره مرکه کې وويله چې کله په شپږيزه کې د بند امير ښامارانو مالک حاجي وفا زه دې لوبډلې ته واخيستلم نو مسيج يې راته وکړ چې دا زما د زوی غوښتنه وه چې ته بايد زموږ سره ولوبېږې.

دی وايي زه پدې هڅه کې يم د الياس جان د زړه، د بند امير او د خپلو مينوالو لپاره په زړه پورې لوبه ترسره کړم.
بند امير لوبډله چې اصغر افغان يې لوبډلمشر دی په شپږيزه لېګ کې يې تر اوسه په ۵ لوبو کې ۳ لوبې ګټلي او ۲ يې بايللي چې تر ميس عينک وروسته په نوملړ کې دويم ځای لري.

Be the first to comment

Leave a Reply

Your email address will not be published.




ایا اصغر افغان به بېرته لوبډلمشر شي؟

by سمیع الله درانی in سپورټ

د سلېکشن کمېټې تېره میاشت حشمت الله شهیدي د ټېسټ او یو ورځنیو لوبو لوبډلمشرکړ، کابو دوه اونۍ وړاندې یې راشدخان د شل اوریزو لوبو لوبډلمشر اعلان کړ. رحمت شاه د ټېسټ او یو ورځنیو ... نور ولولئ