تر اروپا وروسته امريکا هم پر پاکستان هوايي شرکت بنديز ولګوی.

خبريال: مدثر دعوت
د امريکا متحده ايالاتو لخوا د پاکستان هوايي شرکت پر الوتنو ځکه بنديز ولګېدی چې دوی يې د پيلوټانو پر مسلکيتوب باور نلري.
پاکستان تېره مياشت د پيلوټانو نږدې درېيمه برخه وروسته له هغې کشف کړه چې د جعلي اسنادو شک ورباندي کېدی.
د متحده ايالاتو د ټرانسپورت وزارت ويلي چې دوی د پاکستان هوايي شرکت ته اجازه نه ورکوي چې امريکا ته پروازونه وکړي او د فدرالي الوتني ادارې( FFA) د پاکستاني پيلوټانو د تصديقونو په اړه اندېښنه لري.
پاکستاني ټلوېزيون جيو نيوز راپور ورکړی چې پي آی اې د امريکا بنديز تائيد کړی او ويلي يې دي چې دا اندېښنې به په هوايي ډګر کې د رواني اصلاحي اقداماتو له لارې حل کړي.
د اروپايي اتحاديې د هوايي خونديتوب ادارې(اياسا) هم د جولای د لومړۍ نېټې څخه تر راتلونکو شپږو مياشتو پورې د پاکستان نړيوال هوايي شرکت (PIA) څخه د “دريم هيواد د چلونې” اختيار بيرته واخيستی،چې دا بنديز به په انګلستان کې هم پلی کيږي.
دا پرېکړه وروسته له هغې وسوه چې د “PIA Airbus A320” الوتکې د می په ۲۲مه د لاهور څخه تر کراچې پورې د سفر په پېښه کې ۹۷ مسافرين عمله مړه سوه،پداسې حال کې چې الوتکه د الوتنې په پيل کې هم زيانمنه ښکاريدله.
د لومړنيو راپورونو له مخې د طيارې کفتان او لومړني افسر معياري طرزالعملونه په پام کې نه وه نيولي، همدارنګه خبردارياني او اخطارونه يې هم له پامه غورځولي وه.
د جون په ۲۴مه نېټه د پاکستان د هوايي چلند وزير پارلمان ته وویل چې د هيواد د ملکي چلند ادارې له لورې د ورکړل سويو ۸۶۰ د پيلوټۍ جوازونو څخه ۲۶۲ جعلي او تقلبي دې چې د دوی له ډلې څخه يې نيمايي کسانو په جعلي جوازونو پيلوټي کړې وه،پداسې حال کې چې دې هوايي شرکت ويلي چې ۳۶ پيلوټان يې نور دنده نسي ترسره کولای.

Be the first to comment

Leave a Reply

Your email address will not be published.