هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

”په امریکا د مسلمانانو بندول امریکایان نشي خوندي کولای“

رویټرز خبري اژانس وايي، چې له نیمایې زیات امریکایان په دې باور دی، چې د ډونالډ ټرمپ له لورې امریکا ته د مسلمانانو په ورتګ بندیز، دوې نشي خوندې کولای.

د امریکا ولسمشر ډونالډ ټرمپ ټینګار کوي، چې په ۷ مسلمانو هیوادونو يې امریکا ته د ورتګ له بندیز څخه اساسي موخه د امریکا خوندي کول دي؛ خو د ټرمپ سره ان دریمه برخه امریکایان هم موافق نه دي.

ډونالډ ټرمپ د جنوري په ۲۷ مه یو فرمان لاسلیک کړ، چې له مخې د ۷ اکثره مسلمانو هیوادونو څخه امریکا ته په ورتلونکو خلکو د درې میاشتو لپاره بندیز ولګاوه. دې فرمان په امریکا کې د ننه او بهر د خلکو ګڼ غبرګوونه وپارول.

د امریکا ولسمشر ټرمپ وویل:
((چې واضح يې کړم، دا په مسلمانانو بندیز نه دی. رسنیو غلط راخیستی دی. دا د مذهب په اړه نه دی. دا د ترهګرۍ په وړاندې دی، څو خپل هیواد خوندي وساتو.))

خو د رویټرز په دې ترسره شوې سروې کې راغلي، چې د امریکا یواځې کمه فیصدي خلک د ټرمپ ددې پریکړې طرفدار دي.

دا سروې چې د جنوري له ۳۰ څخه تر ۳۱ پورې په امریکا کې ترسره شوې، ښيي چې یواځې ۳۱ سلنه خلک د ټرمپ ددې فرمان سره ځان خوندي احساسوي؛ ۲۶ سلنه نور بیا وايي، چې دا فرمان ددوې ژوند نور هم ګواښولای شي؛ ۳۳ سلنه نور بیا وايي، چې دا فرمان د امریکا په خوندیتوب او نه خوندیتوب کوم تاثیر نه لري.

د متحده ایالاتو له ۹۰۰ زیاتو کارکوونکو او ډیپلوماټانو هغه لیک امضا کړی، چې پکې راغلي د ټرمپ دا فرمان د امریکا په خوندیتو کې مثبت رول نه لري. لیک کې دا هم راغلي، چې ددې پلان په تطبیق کې زیاتې ستونزې موجودې دي.

جمهوریت غوښښتونکی سناتور جان مکین وايي، چې د ټرمپ دا فرمان داسې سیګنالونه ورکوي، چې موږ خپل هیواد ته د مسلمانانو ورتګ نه غواړو.

مکین زیاتوي:
((موږ ویره لرو، چې د ټرمپ دا فرمان به نسبت زموږ د هیواد خوندیتوب ته د ترهګرو د جلب جذب پروسې سره مرسته وکړي.))

د ډونالډ ټرمپ ددې فرمان په اړه امریکا کې ډیموکراتان او جمهوري غوښتونکي سره یوه خوله نه دي.

د ډیموکراتانو ۵۳ سلنه غړي د ټرمپ ددې فرمان سخت مخالف دي؛ په داسې حال کې چې ۵۱ سلنه جمهوري غوښښتونکي بیا د ټرمپ ددې پریکړې هرکلی کوي.

دا په داسې حال کې ده، چې په امریکا کې له ۲۰۰۱ کال څخه راورسته یواځې ۱۲ پناه غوښښتونکي د جهادي ډلو او تروریستانو سره په همکارۍ نیولي شوي او یا وژل شوي دي. بل پلو په همدې موده کې بیا ۲۰۰ د متخده ایالاتو زیږنده خلک په ورته جرمونو کې ښکیل بلل شوي دي.

د یو بل خبر له مخې، کویټي رسنیو خبر ورکړی چې دغه هېواد د افغانستان په ګډون د څلورو نورو مسلمانو هېوادنو پاکستان، ایران، سوریې او عراق پر اوسېدونکو دغه هېواد ته په تګ محدودیت وضع کړی دی.

د کویټ هېواد د دغه کار دلیل د یادو هېوادونو د امنیت خرابوالی ښودلی او ویلي یې دي په یادو هېوادونو کې ترهګرو پراخ فعالیتونه پیل کړي چې کېدای شي له دې لارې کویټ ته هم رادننه شي.

د افغانستان د بهرنیو چارو وزارت بیا وايي، چې کويټ ته د افغانانو په ورتګ بندیز موقتي دی او ژر به بیرته لرې شي.

د امریکا د ولسمشر ډونالډ ټرمپ له پریکړې بیا افغانان مثتسنأ دي.

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */