مارچ 4, 2021

کرونا؛ دوه مسجدونه له دوو میاشتو بندیز وروسته پرانیستل شول + انځورونه

خبریال: فضل الله فضلي

د کرونا نړیوالي وبا په راتګ سره په نړۍ کي د مسلمانانو لومړني، پخواني او تاریخي مسجدونه، لکه مسجدالحرام، مسجدالنبوي او د بیت المقدس مسجدالاقصا ترڅنګ نور هم زیات وتړل سول.
د نړۍ د مسلمانانو دیني علماؤ پر ټولو مسلمانانو ږغ کړی وو، چي د کرونا وبا په خاطر کولای سي چي مسجدونه وتړي او په خپلو کورونو کي لمونځونه وکړي.
له تېرو دوو ورځو راهسې یو ځل بیا له ۲ میاشتو له زیاتي مودې بندیز وروسته د اسلام دوه لومړني مساجد، لکه مسجدالنبي او د بیت المقدس مسجدالاقصا بیرته د عبادت کوونکو پر مخ پرانیستل سوي دي.
د مسجدالاقصا د دروازې د پرانیستلو سره سم مسلمانان د الله اکبر په تکبیرونه سره مسجد ته ننوتل.

بلخوا د مدینې منورې مسجدالنبوي هم د لمونځ کوونکو پرمخ پرانیستل سو او عرب ډېر خوښ وه، چي له ۲ میاشتو زیاتي مودې بندیز وروسته د رسول الله ص زیارت ته ننوځي او هلته لمونځ اداء کوي.

د یادو لمونځ کوونکو د ننوتلو او لمونځ کولو پر مهال حکومت او روغتیايي چارواکو غوښتنه کړې، چي لومړني روغتیايي تدابیر دي مراعت کړي، په خپلو منځونو کي فاصلې ولرئ، ماسک او دسکلې وکاروئ، ترڅو ویروس یوبل ته خپور نه کړئ.
بلخوا د مکې مکرمې د مسجدالحرام ملا امام ښاغلي سدیس خبر ورکړی وو، چي ډېر ژر به د مسلمانانو پرمخ د مسجدالحرام دروازې هم خلاصي سي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




امرخېل: مسؤلین به د وروستۍ پېښې عاملین نیسي یا به له دندې لرې کېږي

لیکوال: عاقله اسد - برخه : افغانستان

د ننګرهار والي وایي ددغه ولایت امنیتي چارواکو ته یې سپارښتنه کړې چې ژر تر ژره دې د درېیو وژل شوو ښځينه خبریالانو قاتلین نیسي او یا به له خپلې دندې استعفا کوي. نوموړي پر ... نور ولولئ