انتخابات سرسکالو سیاست نړۍ

ټرمپ: دا دروغ دي چې ټاکنې به ونه ګټم، ټولپوښتنې جعلي دي

لیکنه: بشر درویش

خبر: بشر درویش

د امریکا ولسمشر په تازه څرګندونو کې ویلي چې دا دروغ او هسې خبره ده چې بیا به ټاکني ونه ګټي.

هغه دا خبرې تازه مرکه کې کړي دي.

ټرمپ ویلي چې دا زه به انتخابات ونه ګټم او هغه څیړنې چې زما د ناکامیدو خبر ورکوي دا ټول دروغ او جعلي دي.

هغه له فاکس نیوز سره په مرکه کې ویلي چې دا نظریې په ۲۰۱۶م کال کې هم جعلي وې او اوس له هغه هم بدتره جعلي دي.

نوموړي همداراز ویلي چې د فاکس نیوز په نظر پوښتنه باور نه لري او په تیر ځل ټاکنو کې یې هم په ډیرو نظر پوښتنو کې تیروتنې کړي دي.

په دې وروستیو کې د بیلابیلو بنسټونو له لورې په نظر پوښتنو کې ښکاره شوې چې ټرمپ د جوبایډن پر وړاندې راتلونکي انتخاباتو کې بایلونکی دی.

ډونالډ ټرمپ ددې په خوا کې ویلي چې دی یوازینی ولسمشر دی چې د امریکا په تاریخ کې یې امریکا ته ښه خدمت کړی، بل هیڅ ولسمشر نه دی توانیدلی چې په وینا یې دده په ډول خدمت یې کړی وي.

 

د لیکوال/ لیکوالې په اړه

بشر درویش

بشر درویش د یاران د کاري ټیم غړی دی، چې پر بیلابیلو مسلو د یاران لپاره راپورونه او مطالب چمتو کوي

تبصره مو ولیکئ