سرسکالو سیاست نړۍ

ټرمپ او اولادونو ته یې د زنداني کیدو وړاندوينه

ژباړه: عایشه حیدري

کېدای شي د ډونالډ ټرمپ او درې مشرانو اولادونو کړنې د ټرمپ په شرکت کې، د هغوی پر وړاندې د جزايي تعقيب د دوسيې پرانيستل کېدو لامل شي.

د فوکوس خپرونې يوه مقاله لیکونکې، ساندرا وورډ، په دې باور ده چې د ټرمپ او د هغه د درې مشرانو اولادونو کړنې به د ټرمپ په شرکت کې د هغوی په وړاندې د جزايي دوسيې د جوړېدو لامل شي.

دغه لیکواله ټينګار کوي چې کېدای شي له همدې امله د امریکې ولسمشر ډونالډ ټرمپ په بند محکوم شي.

د دغې مقالې ليکواله د امریکايي تاريخپوه ټيموټي اسنايدر څخه په نقل ټينګار کوي چې يوازې د ډونالډ ټرمپ د ولسمشرۍ مقام کولای شي د هغه له زنداني کېدو او د هغه له ماتې څخه مخنیوی وکړي. د دې سربېره په رسنیو کې د ډونالډ ټرمپ او د هغه د درې اولادونو ایوانکا، ډونالډ او اریک د زنداني کېدو په اړه په رسنیو کې بحثونه تاوده شوي دي، کېدای شي هغوی د Trump Organisation د مالي او مالیاتي اصولو په تر پښو لاندې کولو تورن شي.

د يادونې وړ ده چې ايوانکا په ټرمپ بنسټ کې تر ټولو ډېر فعالیت لري. هغې له خپل پلار څخه د سلامشورو په بدل کې ۷۵۰زره ډالره ترلاسه کړي دي چې د نوموړي شرکت د مالیې د نه ورکولو لپاره د نیويارک د څارنوالۍ د شک لامل شو.

په ۲۰۱۲ کال کې، نيژدې وو چې ايوانکا او ډونالډ ټرمپ د دوکې او فريبکاري په تړاو محاکمه شي او هغوی کولای شو چې د ټرمپ سوهو په برج کې د اپارتمانونو د اجارې د بیې لوړوالي باندې تورن کړي. هغه مهال د ټرمپ کورنۍ د څارنوال د بيا ټاکل کیدو پر کمپاين لپاره ۲۵زره ډالر ولګول. د فایننشل ټایمز د راپور پر بنسټ، د ټرمپ پورونه له ۹۰۰ میلیون ډالرو څخه اوښتی دي.

د لیکوال/ لیکوالې په اړه

عایشه حیدري ، کابل

تبصره مو ولیکئ