د مېوې خوړلو غوره وختونه

ژباړه: عایشه حیدري

د مېوې خوړل د انسان بدن ته ډېره ګټه لري خو د مېوې د خوړلو لپاره تر ټولو ښه وخت په ځانګړي ډول اومېندوارو مېرمنو، شکر لرونکو ناروغانو، عادي ناروغانو او عادي خلکو لپاره، کوم وخت دی؟ تاسو سره به دا پوښتنه وي چې د مېوې د خوړلو لپاره تر ټولو غوره وخت کوم وخت دی؟

په نننۍ لیکنه کې غواړو تاسو ته د مېوو د خوړلو تر ټولو غوره وخت در وپېژنو چې د مېوې خوړل پکې د بدن روغتیا ته ډېره ګټه رسوي. د لیکنې تر پایه زموږ سره پاتې شئ.

که رښتیا ووایو د ورځې هر وخت د مېوې د خوړلو لپاره ښه وخت دی او بدن ته ډېرې ګټې او خپل ګټور مواد رسوي.

ځینې خلک داسې ګومان کوي چې د ماسپښين پر مهال او یا تر خوړو خوراک وروسته د مېوې خوړل زیان لري او وجود ته هېڅ ډول ګټه نه رسوي خو دا خبره ناسمه ده.

مېوې له معدني او مغذي موادو څخه ډکې دي، د وزن په کموالي کې مرسته کوي او د مېوې خوړل په هر وخت او هر حالت کې ګټې لري خو په ځينو ځانګړو وختونو او شرايطو کې ډېره ګټه لري.

لومړی: د وزن کمولو په موخه د مېوې د خوړلو وخت

د دې لپاره چې په ځينو مېوو کې فیبر شته او کولای شي تاسو د څو ګړيو لپاره ماړه وساتي او د لږو کالوريو خوړلو ته مو اړ کړي نو له همدې امله کولای شي له تاسو سره د وزن په کمولو کې مرسته وکړي.

نو غوره به وي چې مخکې له دې چې خواړه وخورئ لومړۍ مېوه وخورئ تر څو د خوړو د خوراک پر مهال ډېر خواړه ونه خورئ او ستاسو وزن ډېر نه شي. تاسو کولای شئ د وزن کمولو لپاره د خوړو د خوړلو پر مهال هم له مېوو څخه ګټه واخلئ.

دویم: د شکر لرونکو ناروغانو د مېوو د خوړلو وخت

د خوړو له خوړلو سره یو ځای د مېوې خوړل کولای شي شکر لرونکو ناروغانو ته ګټور وي ځکه چې د فیبر، غوړيو او پروټين څخه ډکو خواړو له خوړلو سره یو ځای د مېوې خوړل د دې لامل کېږي چې په مېوې کې شته قند په ډېرې ارامۍ سره وړوکو کولمو ته دننه شي او په وينه کې د قند لږه کچه ځای ونیسي.

درېیم: د هغو اومېندوارو مېرمنو د مېوې د خوړلو وخت چې پر شکر اخته دي

د اومېندوارۍ پر مهال د مېوو خوړل کولای شي د اومېندوارې مېرمنې د وينې د قند کچه لوړه کړي.

دغه مهال د مېرمنو په وجود کې د هورمونونو شکلونه بدلېږي او دغه هورمونونه کاربوهايډرېټ نه شي زغملای.

نو ښه به وي چې دا ډول مېرمنې د اومېندوارۍ پر مهال مېوه له خوړو سره یو ځای وخوري.

دا ډول مېرمني باید په کلکه د سهار پر وخت د مېوو له خوړلو څخه ډډه وکړي. ځکه چې په دې وخت کې د اومېندوارۍ هورمونونه ډېر رشد کوي او لکه څنګه مو چې مخکې وويل دا هورمونونه کاربوهايډرېټ نه شي زغملای.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي