رسنۍ سینما او موسیقي

ټايګر شروف د رامبو فلم يو ځل بيا جوړوي

لیکنه: مدثر دعوت

خبريال: مدثر دعوت

ټايګر شروف غواړي د رامبو فلم يوځل بيا جوړ کړي.

رامبو د امريکايي فلمونو د لړۍ نوم دی چې مرکزي لوبغاړی يې سيلويسټر سټالون وو او په ۵ برخو کې جوړ سويدی.

دا فلم د لومړي ځل لپاره په ۱۹۸۲ز کې جوړ سوی چې د لړۍ پنځمه برخه يې په ۲۰۱۹ز کې خپره سوه.

د باليووډ سېنما ځوان لوبغاړی چې پدې وروستيو وختو کې يې يوازې اکشن فلمونو ته وخت ورکړی غواړي د رامبو د لړۍ لومړنی فلم يوځل بيا جوړ کړي.

ټايګر شروف د باليووډ د باتجربه اداکار جګي شروف زوی دی، ددې فلم مرکزي رول اجرا کوي.

ددې فلم جوړوونکی سيدارت اناند دی چې د ټايګر شروف سره يې د “وار” فلم جوړ کړ چې خورا بريالی وو.

د ټايګر شروف وروستی فلم “باغي ۳” وو چې د کرونا وېروس له کبله ډېر کم وخت په سېنماوو کې خپور سو.

د رمبو فلم چې ويل کېده د روان کال په اکتوبر کې به يې فلمبرداري پيل سي، خو د کرونا وېروس يې ټول کارونه په ټپه ودروله.

د فلم جوړوونکې ډلې ويلي چې د ۲۰۲۱ په وروستيو ۳ مياشتو کې به ياد فلم نندارې ته وړاندې سي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ