شکيب الحسن تر هنديانو وروسته د فيسبوک تر ټولو مشهور کريکټر دی

شکيب الحسن تر هندي کريکټرانو وروسته په فيسبوک کې تر بل هرچا ډېر مينوال لري.

مهندرا سينګ ډهوني،ويرات کوهلي،سچن ټينډلکر او يووراج سينګ هغه کريکټران دې چې د نړيوال کريکټ له منځه په فيسبوک کې تر ټولو ډېر فالورز لري،

خو د اسټراليا ،انګلستان،نيوزلينډ،ويسټ انډيز،پاکستان،افغانستان،سريلانکا او سويلي افريقا تر ټولو کريکټرانو بيا شکېب الحسن په فيسبوک کې ډېر مينوال لري.

شکېب د اوسني نسل د غوره الراونډرانو څخه دی او ډېر کله داسې راغلي چې په يوازې سر يې د بنګلدېش لپاره پوره لوبه ګټلې وي نو ځکه پخپل هيواد کې بې شمېره مينوال لري او د خپلو خلکو په زړونو کې ځانګړی ځای لري.

شکيب الحسن اوسمهال په فيسبوک کې تر ۱۴ ميليونه ډېر تعقيب کوونکې لري ،چې دا د کريټ په نړۍ کې د نوموړي محبوبيت په ډاګه کوي .


د کريکټ په نړۍ کې تر شکېب الحسن پیاوړي او نوموتي کرکټران سته چې د ځينو ريکارډونه يې شايد هيڅکله په کريکټ کې کوم بل لوبغاړی مات نسي کړای خو اوسمهال يې خلک په ټولنيزو رسنيو کې ډېر نه تعقيبوي.

د افغانستان د کريکټرانو له جملې څخه محمدنبي تر نورو افغان لوبغاړو مشهور دی او تر درې نيم ميليونه ډېر مينوال لري نو ځکه ورته د ولسمشر لقب هم ورکول سوی او ورپسې بيا راشدخان دی چې تر ۲ ميليونه ډېر مېنوال لري.

وروستي مطالب