د ۲۰۲۱ز کال اسکار مراسم وځنډېدل.

خبريال: مدثر دعوت
د ۲۰۲۱ز کال اسکار د ۹۳يم پړاو مراسم د دوو مياشتو لپاره وځنډول سوه.
د سېنما د نړۍ د تر ټولو معتبرو جايزو مراسم چې د اسکار په نوم ياديږي د راتلونکې کال د فيبروري د ۲۸مې نېټې څخه د اپريل مياشتې ۲۵مې نېټې ته وځنډول سوه.
د کرونا وېروس چې په نړۍ کې يې هر ډول فعاليتونو ته خنډونه پېښ کړه د سېنما نړۍ يې هم بې زيانه پرېنښوده.
د نړۍ په ګوټ ګوټ کې د فلمونو د جوړولو کمپنۍ په ټپه درېدلي او د تېرو څو مياشتو راهيسي په هيڅ هيواد کې د سېنما پر پردې فلم نه دی ريلېز سوی.
دا هم نده مالومه چې د اسکار د جائزو شپه به د ځانګړو کسانو لپاره وې که به هر څوک پکښې ګډون کولای سي.

اسکار پخپل ۹۲ کلن تاريخ کې يوازې درې ځلې ځنډلی دی، لومړی ځل کله چې لاس انجليس شديدو سېلابونو وځپی،دويم ځل په ۱۹۶۸ز کې د امريکا د مسيحي وزير مارتين لوتر کينګ تر ترور وروسته او دريم ځل په ۱۹۸۱ز کې د امريکا د ولسمشر رونالد رېګن د ترور تر هڅې وروسته د اسکار جايزو لړۍ وځنډول سوه.

د اسکاز د اکاډمۍ رئيس ډيويډ روبين رسنيو ته ويلي:” د يوې پېړۍ راهيسي فلمونو په تياره وختونو کې زموږ په هوسايني ،الهام او ساتېري کې مهم رول لوبولی،دا ځل اړ يو د جايزو لړۍ وځنډوو خو هيلې او وړتياوې به ستايل کېږي،راتلونکی اسکار او زموږ د نوي موزيم پرانيستل به يوه تاريخي شېبه په نښه کړي،چې د سېنما له لارې د نړۍ متحد کېدو لپاره به مينه وال راټولوي.
د اسکار د جايزې د ورکړې مراسم د ۱۹۲۹ز کال د می مياشتې په ۱۶مه نېټه د لومړي ځل لپاره ترسره سوه،چې هر کال د هاليووډ سېنما فلمونو ته په بيلابيلو برخو کې جايزې ورکوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




له دغو لارو چارو ګټه واخلئ او مه پرېږدئ چې مقابل لوری درته دروغ ووايي!

لیکوال: عایشه حیدري ، کابل - برخه : ځوانان او زده کړې

څېړونکي وايي چې شاوخوا ۶۰ سلنه خلک کابو لس دقیقې هم له دروغ ویلو پرته نه شي تېرولای. نو د دغو شمېرو له مخې کولای شو ووايو چې زموږ د شاوخوا خلک د ورځې په ... نور ولولئ