سپورټ کرکټ کرونا

ايرو سلم ليګ يوځل بيا وځنډېدی

لیکنه: مدثر دعوت

خبريال: مدثر دعوت

د کرونا ويروس له کبله د ايرو سلم په نوم کريکټ ليګ وځنډېدی.

د ايرلينډ،سکاټلينډ او نيدرلينډ هيوادونو په ګډه جوړ سوی ليګ  چي تېرکال ترسره کېدی ، سږکال هم نه ترسره کېږي.

ايروسلم ليګ چې باید راتلونکې اګسټ مياشت کې پيل سوی وای خو مسولين يې وايي تر راتلونکي کال پوري وځنډول سو.

ددې ليګ بولۍ تېر کال ترسره سوه چې ۶ لوبډلي پکښې شاملي دي،ځيني افغان لوبغاړي هم پکښې اخيستل سويدي.

ددې ليګ تنظيم کوونکو څو ورځي وړاندې په يو هيله من خبر کې ويلي وو چې ډېر ژر به سلم ليګ پيل سي،خو د هيوادونو ترمنځ د پروازونو د بندښت او قرنطينونو د اوسني فصل لپاره ټول پلانونه زيانمن کړيدي.

د ايرلينډ د کريکټ اجرائيوي رئيس وارن ډيوټرم ويلي چې د سلم بورډ د زړه له کومي دې پايلي ته رسېدلی چي هدفونو ته د رسېدو لپاره باید د کرونا وبا ته په ټيټه ونه کتل سي او تر نا څرګند وخت پوري يې ځنډوو.

ده وويل موږ ددې ليګ دوام ته پوره ژمن یوو.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ