اپریل 14, 2021

د وزن د کمولو لپاره هرومرو دا څلور مېوې وخورئ!

Advertisements

ژباړه: عایشه حیدري

که غواړئ خپل وزن کم کړئ، نو دغه مېوې د خپلو خوړو په رژیم کې ور زیاتې کړئ.

د همشهري انلاین د راپور پر بنسټ، له کاربوهايډرېټ څخه ګټه اخیستنه د وزن کموالي لپاره ګټه نه لري او د دې سربېره چې ګټه نه لري، زیانونه هم لري. خو کله چې مېوې په اړه خبرې کېږي نو کیسه بیا بل ډول ده.

مېوې د فیبر، ويټامينونو او د اړتیا وړ خوړو او معدني موادو غوره سرچینې دي. په مېوه کې شته فیبر د دې لامل کېږي چې تاسو د مړښت احساس وکړئ او د مېوې فرکټوز د دې لامل کېږي چې د خوږو له خوړلو څخه مخ واړوئ.

د وزن کموالي لپاره ټولې مېوې ګټورې دي، خو ځینې مېوې د وزن په ژر کمولو کې ډېره مرسته کوي. موږ غواړو په نننۍ لیکنه کې څلور هغه مېوې در وپېژنو چې د وزن په کمولو کې ډېره مرسته کوي.

لومړی: مڼه

یوه مڼه ۴ګرامه فیبر او ۹۵کالوري لري. دغه مېوه د وزن کمولو لپاره تر ټولو ښه مېوه ده. دغه مېوه د فیبر يوه ښه سرچينه ده او تر ډېره د انسان د مړښت لامل کېږي. څېړنو ښودلې چې مڼه کولای شي د وزن په کمولو کې ډېره مرسته وکړي.

دویم: کېله

د ډیرو خلکو د اند پر خلاف کیله د چاغښت لامل نه کېږي. دا سمه ده چې دغه مېوه د نورو مېوو په پرتله ډېره کالوري لري او د معدني موادو یوه غوره سرچينه ده. کیله د پوټاشیم، منیزیم، منګنز، فیبر، ويټامينونو او انټي اکسیډنټ غوره سرچینه ده. همدارنګه له کیلې څخه د ورځې په اوږدو کې ګټه اخيستنه کولای شي د وينې د لوړ فشار کنټرول کړي او د دې سربېره د وزن په کنټرولولو کې هم مرسته وکړي.

درېیم: د توت ډولونه

د توت بېلابېل ډولونه د خوړو په توګه کارول کېږي. توت په ډېره ټیټه کچه کالوري لري او د ويټامينونو او انټي اکسیډنټ یوه ښه سرچینه ده.

د بېلګې په ډول ۱۵۲ګرامه سټرابېري توت ۵۰کالوري لري، تاسو کولای شئ د توت بېلابېل ډولونه په مازدیګري کې وخورئ.

څلورم: مالټه

هغه میوه ده چې ارومرو باید په ژمي کې ستاسو د خوړو په رژیم کې ځای ولري، ځکه ژمی د مالټې فصل دی، دغه مېوه د فیبر او C ویټامین غوره سرچینه ده او په ډېره ټیټه کچه کالوري لري. یوه مالټه ۴۵کالوري لري، نو هر کله مو چې مالټه خوړله د خپل وزن د زیاتېدو اندېښنه مه کوئ.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

د ناروغ پوښتنه اسلامي کړنه او د ناروغ پر روغتیا ښه اغېز لري

لیکوال: صدیقه پوپلزۍ، کابل - برخه : ټولنیز ژوند

Advertisements ليکنه او راټولونه اسلامي اخلاق او قوانین او په اسلام کې د الله تعالی د عبادت لپاره لارښوونې او د اسلام عقیدوي مفاهیم دا ټول د یو ټولنیز هیکل په جوړښت، او د مینې ... نور ولولئ