سپورټ کرکټ وزش او تمرین

د ټیسټ لوبو په درجه بندۍ کې افغانستان په لس غوره لوبډلو کې نهم مقام خپل کړ

لیکنه: محمدصابر حمیدي

د کرکټ نړیوالې شورا نن چهارشنبه د ټیسټ سیالیو نړیواله درجه بندي اعلان کړه، چې پکې افغانستان په لسو غوره لوبډلو کې شامل شوی او نهم مقام یې خپل کړی.

افغان کرکټ ملې لوبډله مخکي په لسو غوره لوبډلو کې نه وه، چې اوس یې یو شمېر هیوادونه شاته پرېښودل او نهم ځای یې ونیوی.

په دې تازه اعلان شوې درجه بندۍ کي نیوزیلنډ لومړی، اسټرالیا دویم، هندوستان درېیم، انګلستام څلورم، سویلي افریقا پنځم، سریلانکا شپږم، پاکستان اووم، ویسټ انډیز اتم، افغانستان نهم او بنګله دېش بیا په لسم ځای کې شتون لري.

افغان لوبډله په داسي مهال په غوره لسو لوبډلو کې نهم مقام ته راغله، چې په خپلو ترسره کړو څلورو ټیسټ لوبو کې یې دوې ګټلي، خو دوې یې بیا بایللي دي.

افغان کرکیټ ملي لوبډلي په یادو ۴ ټیسټ لوبو کي بنګله دېش او ایرلینډ هیوادونو ته ماتي ورکړې، خو له هندوستان او ویسټ انډیز لوبډلو څخه یې بیا ماته منلې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ