بریا او پرمختګ ټولنیز ژوند ژوند بڼه

د ټینګو اړیکو جوړولو څو ساده چلونه

Group of business people working with digital tablet in office

که هر څومره لوی ارواپوه وپوښتې هم به درته ووايي، چې د انسان یوه ډېره ژوره او بنسټیزه اړتیا له نورو سره تړښت دی. موږ هله تر هر بل وخت ډېر خوښ و خوشحاله یو، چې له نورو سره ځانونه نژدې او د یوې ټولنې برخه احساس کړو. د سوداګرۍ د اسمان ستوري له خپلو همکارانو او مشتریانو سره اړیکو جوړولو ته لومړیتوب ورکوي. دوی پر ځان له راتاو خلکو سره نژدې اوسېدونه د وخت ضایع نه، بلکې تر ټولو غوره بوختیا ګڼي.

د رهبرۍ د پرمختیا د یوه مشخص په توګه زه خپل مشتریان هڅوم، چې خلک او اړیکې تل تر هر څه لومړی وبولي. دغه کار روغو خبرو اترو، همږغۍ او ځواکمنو سوداګریزو لاسته راوړنو ته لار هواروي. خلک معمولاً هله ښه ځلیږي، چې وستایل شي. اوس د انساني اړیکو جوړولو هغه لس ډېرې ساده نظریې درښیم، چې زموږ تر لارښوونې د لاندي شرکتونو کارکوونکي یې په خپلو دندو کې خورا بریالي کړي دي:

۱ـ بېحده مثبت ګرایه اوسه؛

۲ـ سپین او رښتیا ویونکی اوسه؛

۳ـ د وخت ټینګ خیال ساته؛

۴ـ لطفاً او مننه ویل د ځان عادت وګرځوه؛

۵ـ لږ ژمنه او ډېر عمل کوه؛

۶ـ د خپلو کارکوونکو وړتیا ور لوړه کړه؛

۷ـ یارانه او د نورو خاطر ساتونکی اوسه؛

۸ـ ډېر دقیق اورېدونکی اوسه؛

۹ـ له نورو سره بې کچې زیاته لېوالتیا وښیه؛

۱۰ـ ډېره مسکا کوه؛

یو بل ډېر مهم ټکی: همیشه خلکو ته په درنه سترګه ګوره. هغه زورور قانون چې ممکن د رهبرۍ او ژوند کولو دواړې تګلارې دربدلې کړي دا دي: د ځان درنولو لپاره باید د نورو درنښت وکړې. زه ځنې وختونه د یوه ډېر نوموتي او خورا ګران بیه سلاکار کیسه کوم. یوه ورځ کوم شرکت د مشورې لپاره وروغوښت. دی د غونډې تالار ته ننووت. ټولو ناستو کسانو ته یې ځیر ـ ځیر وکتل. وروسته روان شو، مارکر یې ورواخیست او پر سپینه تخته یې په غټو تورو ولیکل: «له خلکو سره په درنښت چلند وکړئ!» له دې سره جوخت د بورډ غړو ته موسکی شو او له خونې څخه ووت.

ماخذ: تکړه شه

لیکوال: رابین شرما

ژباړه: جبار فراز

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ