سپورټ فوټبال وزش او تمرین

د تاجکستان فوټبال لوبغاړي افغانستان ته: قوي پاته شه، موږ درته دعا کوو

د تاجکستان هیواد د فوټبال لومړی درجه لیګ روان دی او د دې هیواد د فوټبال فدراسیون له هغو ګاونډیو هیوادونو څخه ملاتړ اعلان کړ، چې کرونا ویروس ځپلي دي.

د تاجکستان فوټبال فدراسیون په یوه ښکلي پيغام سره له هغو ګاونډیو هیوادونو د ملاتړ اعلان کړی، چې کرونا ویروس پکښې خپور شوی او دې ویروس ځپلي دي.

تر دې دمه په تاجکستان کې هیڅ د کرونا ویروس مثبته پيښه نده ثبت شوې او په همدې موخه دې هیواد څو ورځې مخکي خپل د فوټبال لیګ پيل کړ.

ددې لیګ د لوبو لیدلو ته مینوال لوبغالي ته نشي ورتلای او لوبي د ټلوېزیون له لاري کتلای شي.

د تاجکستان فوټبال فدارسیون د افغانستان په ګډون د یو شمېر هغه ګاونډیو هیوادونو سره غم شریکي وکړه، چې کرونا ویروس ځپلي دي.

د دې لیګ تر یوې لوبي مخکي لوبغاړو په ګډه یوه عکس خپور کړی او د افغانستان په ګډون یې له روسیې، ازبکستان، چین، قزاقستان او د قرغزستان څخه ملاتړ اعلان کړ.

93958634_2694586627437130_9083732110212071424_n.jpg

د یاد عکس سره راغلي:

«زموږ وروڼو هیوادونو قوي پاته شئ ـ روسیه، ازبکستان، چین، قزاقستان، قرغزستان، افغانستان. موږ تاسو او ټولې نړۍ ته دعا کوو.»

تاجکستان د نورو هیوادونو ترڅنګ پر داسې مهال له افغانستان د ملاتړ اعلان کړی، چي د افغان او تاجکستان فوټبال فدراسیونونه له یو بل سره خورا نژدې اړیکي لري.

د دې ترڅنګ دې هیواد د افغان فوټبال ملي لوبډلې د زیاتو لوبو کوربتوب په غاړه اخیستی.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ