صالح: د تابوت انځورونه او تش تابوتونه دې نور دباندې نه ایښودل کیږي!

خبر: ملیحه ناصري

افغانستان کې نور تابوت پلورنکي اجازه نه لري د تابوت انځورونه او تش تابوتونه دباندې کېږدي.
د ولسمشرۍ ماڼۍ لومړي مرستیال امرالله صالح د نن ورځې د شپږنیمو بجو سهارنۍ ناسته کې وویل چې تر نن وروسته به په کابل ښار کې هېڅ تابوت پلورونکې هټۍ د دې اجازه ونه لري چې پر لوحو باندې د تابوت, قبر او نور دې ورته انځورونه وکاږي. دا هټیوال به د دې اجازه هم نه لري چې خالي/ تش تابوت دباندې نندارې ته کېږدي؛ ځکه دا هر څه د کابل ښاریانو پر ارواه باندې منفي اغېز ښندي او د دوی د نارامۍ لامل کېږي.
تابوت جوړوونکي او پلورونکي به یوازې پر لوحه ( د تدفین چوپړتیاوې) لیکي.
ویل کېږي په روانو اته څلوېښتو ساعتونو کې به په ټول کابل کې دا حکم پلی شي.
د دې خبر په اورېدو سره ځینو کابل مېشتو خپله خوښي څرګنده کړې؛ خو ځینې نور کسان دا ډول کارونه لومړیتوب نه ګڼي او وایي چې لومړی د مړو د شمېر د کمولو لپاره کار وکړئ چې تابوتونه خپله راکم شي.
 

Be the first to comment

Leave a Reply

Your email address will not be published.