بریا او پرمختګ ټولنیز ژوند خوندیتوب روغه سټه ژوند بڼه کلتور او هنر

د ۲۰۲۰م د نوبل طبي جایزه؛ د سپین زیړي وایروس کشفوونکو ته ډالۍ شوه

راپور: نسیمه محمدي

دوه آمریکایان او یو انګلیسي‌پوه، چې د هېپټايټ C وایروس کشف کړی، وکولای شول د ۲۰۲۰م د نوبل د طب جایزه وګټي.

د راپورونو پر اساس، د سږکال د نوبل د طب فیزیولوژۍ جایزه، آمریکايي پوهانو هاروي آلتر او چارلز رایس او همدارنګه انګلیسي وایروس پېژندونکي مایکل هوتون د هېپټايټ C وایروس د کشفي څېړنو په خاطر ډالۍ شوه.

د کارولینسکا طبي انسټیټیوټ د نوبل کمېټې استازو وویل:

“په تاریخ کې د لومړي ځل لپاره، د هېپټايټ C (سپین ژیړي وایروس) د درملنې وړ دی. طبي موندنو د مزمن سپین ژيړي پاتې لاملونه په نښه، د وینې آزمایښتونه او نوي درمل چې د میلیونونه انسانانو د ژغورنې سبب شوي، ممکن کړي دي.”

د یادونې وړ ده چې لا هم د دغه ناروغۍ سره مبارزه روانه ده، ځکه چې په وینه کې تولید شوی زیړی لا هم هر کال د یو میلیون څخه زیاتو خلکو ژوند اخلي.

5f7c1f980a97a.jpg

د نوبل آکادمۍ د دوشنبې پر ورځ، د یوې بیانیې په خپرولو سره اعلان کړه، د دغه درېیو پوهانو په وسیله د سپین زیړي د وایروس تر کفش وړاندې، د A او B هېپټایټس پېژدل شوي وو، خو د هېپټايټ / زیړي د انتقال ډېری موارد د وینې له لارې له تشریح پرته پاتي وو، نو د هېپټایټ C کشف، د مزمنه ژیړیو د انتقال راز افشا او د امکاناتو د برابرولو سره، د وینې د معایناتو په تر سره کولو او د نویو درملو جوړولو اړینو شرایطو سره، تر اوسه د میلیونونو وګړو ژوند ژغورلی دی.

هېپټایټ C یو ډول وایروسي انتان دی، چې د ځیګر د التهاب سربېره، ممکن د ځیګر د شدید زیان لکه د ځیګر سیروز ( زخم/ ټپ) او سرطان لامل شي.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ