سپورټ کرکټ وزش او تمرین

د تازه پرېکړې له مخې د کرکټ دوه نړیوال جامونه او کوربه هیوادونه یې!

لیکنه: محمدصابر حمیدي

د جمعې په ورځ د کرکټ نړیوالې شورا تر یوې غونډې وروسته پرېکړه وکړه، چې د ۲۰۲۱م د کرکټ شل اوریزه نړیوال جام به په هند او د ۲۰۲۲م د کرکټ شل اوریزه نړیوال جام به بیا په اسټرالیا هیواد کې ترسره شي.

ددې ترڅنګ یاده غونډه کې د ښځینه وو ترمنځ د کرکټ نړیوال جام چې په راتلونکې ۲۰۲۱م کال ترسره کېدی، ۲۰۲۲م کال ته د نیوزیلینډ هیواد په کوربتوب وځنډول شو.

د کریک بز د راپور له مخې اوس به د ۲۰۲۱م د کرکټ نړیوال جام د یاد کال په اکتوبر او نوومبر میاشتو کې ترسره شي او ددې ترڅنګ د ۲۰۲۲م د کرکټ نړیوال جام به د اسټرالیا په کوربتوب هم په اکتوبر او نومبر میاشتو کې ترسره شي.

د کرکټ نړیوالې شورا د مخکني مهالوېش له مخې د ۲۰۲۰م د کرکټ نړیوال جام د اسټرالیا په کوربتوب او د ۲۰۲۱م د کرکټ نړیوال جام بیا د هند په کوربتوب ترسره کېدی.

خو د کورونا ویروس له امله اوس د ۲۰۲۱م کال د کرکټ نړیوال جام د مخکني مهالوېش سره سم په خپل ځای او خپل وخت ترسره کیږي.

د ۲۰۲۰م د کرکټ نړیوال جام بیا ۲۰۲۲ ته یو ځلې بیا د اسټرالیا هیواد په کوربتوب وځنډول شو او اوس به دا جام په ۲۰۲۲م کال کې ترسره شي.

د ۲۰۲۰م د کرکټ نړیوال جام ځنډېدل د هند آی پي ایل سیالیو ته لاره پرانیزله.

اوس دا لیګ د سیپټمبر میاشتې په ۱۹مه نېټه متحده عربي اماراتو کې پيلیږي او د نوومبر میاشتې تر ۱۰مې نېټې پوري دوام کوي.

دا ددې لیګ ۱۳م پړاو دی، چې درې افغان لوبغاړي محمدنبي، راشدخان ارمان او مجیب ځدران به هم پکې ولوبیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ