فبروري 25, 2021

ټي ټین لیګ سبا پای ته رسیږي؛ نن یې خورا مهمې سیالۍ ترسره کیږي

لیکنه: محمدصابر حمیدي

د متحده عربي اماراتو د کرکټ لس اوریزه لیګ د تېرې جنورۍ میاشتې په ۲۸مه نېټه د اتو لوبډلو ترمنځ پیل شو، چې پرون پنجشنبه یې د لومړي پړاو لوبې پای ته ورسېدې.
ډهلي بولز، نارترن وایررز، قلندرز، ابوظبۍ، بنګله ټایګرز، ډیکن ګلډیټرز، مراتا عربینز او پوني ډیویلز هغه اته لوبډلې دي، چې د دې لیګ په لومړي پړاو کې ولوبېدې.
بنګله ټایګرز، ډیکن ګلډیټرز، مراتا عربینز او پوني ډیویلز هغه څلور لوبډلې دي، چې د ټورنمنټ سره یې مخه ښه وکړه، خو ډهلي بولز، نارترن وایررز، قلندرز او ابوظبۍ لوبډلو بیا کوالیفایر او ایلیمیناټور پړاو ته لاره پیداکړه.

د نن جمعې لوبې

نن مازدیګر ۴ بجې په کوالیفابر لوبه کې ډهلي بولز د نارترن وایررز په وړاندې سیالي ترسره کوي.
په لومړۍ ایلیمیناټور لوبه کې نن ماښام ۶:۴۵ بجې قلندرز لوبډله د ابوظبۍ لوبډلې سره لوبیږي.
او په دویمه ایلمیناټور لوبه کې بیا د کوالیفایر لوبې بایلونکې لوبډله په لومړۍ ایلیمیناټور لوبه کې د ګټونکې لوبډلې سره سیالي لري.

د یادولو وړ ده، چې د کوالیفایر لوبې ګټونکې لوبډله سیده پایلوبې ته لاره پیداکوي او د دویمي ایلیمیناټور لوبې د ګټونکې لوبډلې سره بیا سبا شنبه پایلوبه ترسره کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي


*