د ورزش او سېنما اړيکه: سرېش رينا د سوشانت لپاره د عدالت غوښتنه کړې

خبريال: مدثر دعوت
سرېش رينا د سوشانت سينګ راجپوټ لپاره د عدالت غوښتنه کړې او وايي چې تاسو به تل زموږ په زړونو کې اوسئ.
د هندوستان کريکټ پخواني لوبغاړي سرېش رينا د باليووډ سېنما د مړ سوي اداکار سوشانت سينګ راجپوټ لپاره احساساتي ياداښت ليکلی او ويلي يې دي چې د باليووډ وتلی لوبغاړی يو رښتنی الهام دی او هغه به تل د خلکو په زړونو کې ژوندی وي.

د سوشانت مړی چې د جون په ۱۴مه د ممبی په بنډرا کې د هغه په استوګنځي کې وموندل سو،د دوشنبې په ورځ سرېش رينا پر خپل رسمي ټويټر اکاونټ ويډيو خپره کړې او دا يې هم ليکلي چې باور لري دولت به عدالت ته ورسېږي.


رينا ليکي: ” وروره تاسو به تل زموږ په زړونو کې ژوندي ياست،ستاسو مينوال مو تر هرڅه ډېر يادوي، زه زموږ پر حکومت باور لرم ، او دا هغه مشران دې چې د عدالت راويستلو لپاره هيڅ هم پټ نه پرېږدي،تاسو رښتنی الهام ياست”.

د روانې اګسټ مياشتې په ۱۹مه نېټه د هندوستان سترې محکمې د سوشانت د مړينې په اړه د څېړنو مرکزي دفتر ته امر وکړ او د ممبی له پوليسو يې وغوښتل چې پدې اړه ټول شواهد سي بي ای ته وسپاري.
رينا د اګسټ په ۱۵مه نېټه د ډهوني سره يوځای نړيوال کرېکټ ترک وهی او د ۱۳ کلونو لپاره يې د هند لپاره ۱۸ ټيسټ، ۲۲۶ يو ورځنۍ او ۷۸ نړيوالې شل اووريزې لوبې ترسره کړې.

نوموړی به په هندوستان پرېمر لېګ کې چې د سپټمر د ۱۹ څخه د نومبر تر ۱۰ پورې په عربي اماراتو کې ترسره کېږي د چينای سوپر کېنګز لوبډلې سره ولوبېږي.

Be the first to comment

Leave a Reply

Your email address will not be published.







وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ