اپریل 19, 2021

پر ۹۹ منډو سوځېدو وروسته یې د خپل پلار څخه بخښنه وغوښته

لیکنه: محمدصابر حمیدي

 

د انګلستان او هند کرکټ ملې لوبډلو ترمنځ پرون جمعه د دریو یو ورځنیو لوبو د لړۍ دویمه لوبه ترسره شوه، چې پکې انګلستانۍ لوبډلې په شپږو ویکټو هند ته ماتې ورکړه.

د یاد سریز لومړۍ لوبه هند په ۶۶ منډو ګټلې وه، وروستۍ یو ورځنۍ لوبه یې بیا سبا یکشنبه غرمه ۱۲:۳۰ بجې پيلیږي.

 

په پرونۍ لوبه کې انګلستانی بین سټوکس

 

د انګلستان د کرکټ ملې لوبډلې نامتو او تکړه الراونډر لوبغاړي بین سټوکس په ۴۲ توپونو ۹۹ منډې وکړې، چې وروسته د بنوېشور کمار له لوري وسوځېد.

بین سټوکس ۴ څلورېزې، خو لس یې بیا شپږیزې ووهلې او لوبه یې ډېره جذابه کړې وه.

پر ۹۹ منډو سوځېدو وروسته بین سټوکس اسمان ته وکتل او د خپل مړ شوي پلار څخه یې بخښنه وغوښته، چې د غلطۍ له امله پر یادو منډو سوځول کیږي.

 

 

د بین سټوکس پلار

 

د بین سټوکس پلار ګیډ سټوکس د تېر ۲۰۲۰م کال په ډیسمبر میاشت کې د سرطان د ناروغۍ له کبله مړ شو.

راپورونه وايي، چې ګیډ سټوکس د ۶۵ کلونو په عمر له دې دنیا ولاړ.

ګیډ سټوکس د رګبي لوبغاړی او وروسته یې بیا روزونکی تېر شوی و.

 

په هندۍ لوبډله کې تر ټولو ګرانبیه لوبغاړي څوک دي؟ دلته پرې خبر شئ؛

لیکوال: محمد صابر حمیدي ، کندهار - برخه : سپورټ

د هندوستان کرکټ بورډ د خپلو هغو لوبغاړو لیست خپور کړی، چې دوی ورسره د ۲۰۲۰م کال د اکتوبر میاشتې څخه بیا د ۲۰۲۱م کال تر سیپټمبر میاشتې پوري قرارداد لري او ترڅنګ یې هغه ... نور ولولئ