سپورټ کرکټ

د سريلانکا کريکټ ليګ د افغان لوبغاړو په شتون کې يوه مياشت وروسته پيليږي

لیکنه: مدثر دعوت

خبريال: مدثر دعوت

د سريلانکا کريکټ ليګ د راتلونکې نومبر مياشتې په ۲۲مه نېټه پيليږي.

د سريلانکا کريکټ ليګ چې د لانکا په نامه يادېږي، ډېر کلونه ورباندې بحث کېدی چې بلاخره یې د پيلېدو نېټه مالومه سوه.

دې ليګ کې ۵ لوبډلې دي او ۲ افغان لوبغاړې هم پکښې اخيستل سويدي.

نوين الحق به د کنډي تسکرز لوبډلې او حضرت الله ځاځی به د ګلي ګلاډياټورز لوبډلې لپاره ولوبېږي.

د کريس ګېل،ډېويډ ملان،کولن انګرام،انډري رسل ،شاهد افريد او ډیويډ ميلر په څېر نور ستر لوبغاړې هم پدې ليګ کې اخيستل سوي.

دا لوبې چې د پيل مراسم يې د اکتوبر په ۲۱مه نېټه د سريلانکا په کولمبو ښار کې ترسره کېږي لومړنۍ دوې لوبې به يې د نومبر په ۲۲مه ترسره سي.

دا لوبې چې په لومړي پړاو کې به يې ۱۹ لوبې ترسره سي د ډسمبر په ۱۴مه نېټه پايته رسيږي،چې هره ورځ به دوې لوبې د افغانستان پر وخت د ماسپښين پر ۰۲:۰۰ او ماښام پر ۰۶:۳۰ بجې ترسره کېږي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ