حيدراباد د ای پي ايل قوي لوبډلې ته ماته ورکړه

خبريال: مدثر دعوت
د ای پي ايل ليګ په ۴۷مه لوبه کې سنرايزر حيدر اباد د ډهلي کاپيټلز لوبډلې ته ماته ورکړه.
د لوبې پچه ډهلي وګټله او حيدراباد ته يې د توپوهنې بلنه ورکړه.
د سنرايزر توپوهونکو په پوره ۲۰ اوورونو کې د ۲ لوبغاړو په سوځېدو ۲۱۹ منډې وکړې.
ساها ۸۷، وارنر ۶۶ او منېش پانډې ۴۴ ننډې وکړې.

د ډهلي لپاره نارتجي او اشوين يوه يوه ويکټه ترلاسه کړه.
د ۲۲۰ منډو هدف تر اوسه د ۲۰ اووريز کريکټ په تاریخ کې د دوبۍ پر لوبغالې نه وو ايښودل سوی نو ځکه راشدخان د ډهلي د بريا خوب د خاورې سره خاوې کړ.
د ډهلي لپاره پنت ۳۶، رهاني ۲۶ او ډيشپانډې ۲۰ منډې وکړې.

د حيدر اباد توپ اچوونکو په ۱۹ اوورونو کې د ډهلي ټول توپوهونکې وسوځوله.
راشدخان ۳، سنديپ او ناتراجن دوې دوې، همدارنګه نديم، هولډر او شنکر يوه يوه ويکټه واخيسته.

لوبه حيدراباد د ۸۸ منډو په توپير وګټله.
راشدخان په ۴ اوورونو کې يوازې ۷ منډې ورکړې، ۳ ويکټې يې واخيستې او ۱۷ توپونه يې ډاټ ترسره کړه.

د لوبې د غوره لوبغاړې جائزه ساها ته ورکړل سوه چې ۸۷ منډې يې کړي وې.

حيدراباد په ۱۲ لوبو کې ۵ ګټلي او د جدول په شپږم ځای کې قرار لري او ډهلي بيا په ۱۲ لوبو کې ۷ ګټلي او د ليست په دريم مقام کې دی،د دواړو لوبډلو دوې دوې لوبې لا پاته دي.

نن ماښام ۰۶:۳۰ بجې د بنګلور او ممبی لوبه ده.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي