سېډني سېکسرز ښځينه کرکټ لوبډله ۲۵ زره ډالر جریمه شوه

 
د اسټرالیا په ښځینه بېګ باش کرکټ لیګ کې د سېډني سېکسرز کرکټ لوبډله ۲۵ زره ډالر جرمانه شوه.
راپورونه وایي چې د دغې لوبډلې اداري غړو د ناسم پوهاوي له امله ستونزه جوړه کړې او ځانته یې مالي زیان اړولی دی.

ولې جرمانه شوه؟

د اسټرالیا په بېګ باش کرکټ لیګ د سېډني سېکسرز کرکټ لوبډله چې له ځواکمنو لوبډلو بلل کېږي، د یوې لوبغاړې د لوبولو په خاطر له ستونزو سره مخ شوه.
د سېلور هولمیس په نامه یوه لوبغاړې چې د لوبډلو له اعلان وړاندې ټپي وه او د لوبډلو په ۱۵ لوبغاړو کې یې د بېګ باش لیګ رهبرۍ ته نوم نه و سپارلی، خو بیا هم د سېډني سېکسرز کرکټ لوبډلې د نومبر په ۲۱ مه د مېلبورن رېنېګېډز پر وړاندې ولوبوله او په دې خاطر لوبډله جرمانه شوه.

په لوبو کې اصول دا دي، کله چې یوه لوبډله د بل پر وړاندې لوبېږي او یا هم په ټورنمنټونو کې ګډون کوي، باید له وړاندې د احتمالي لوبېدونکو لوبغاړو نوملړ اعلان کړي.
د لوبغاړو نوملړ بیا د لوبو پرمهال تطبیق کېږي.
که د دغو لوبغاړو پرځای بیا بل لوبغاړی لوبېږي او نوم یې پخوا په نوملړ کې نه وي شامل، دا بې قانوني ده او لوبډلې له جرمانې سره مخ کېږي.
د دې سربېره له لوبغاړې څخه ۱۵ زره ډالر جرمانه هم اخېستل کېږي او د یو کال لپاره له لوبو هم ځنډول کېږي.

د اسټرالیا ښځینه بېګ باش کرکټ لیګ

په بېګ باش کرکټ لیګ کې څلور لوبډلې دوه نیمه پایلوبو ته رسېدلي دي.
د نومبر په ۲۵ مه مېلبورن سټارز او پېرت سکارچرز کرکټ لوبډلې کوي.
دویمه نیمه پایلوبه د راتلونکې پنجشنبې په ورځ برېسبین هیټ او سېډني تندر لوبډلو ترمنځ کېږي.
د دغه لیګ پایلوبه د شنبې په ورځ د نومبر په ۲۸ مه ترسره کېږي.
سېډني سېکسرز، هوبرټ هرېکېنز، اډیلایډ سټرایکرز او مېلبورن رېنېګېډز لوبډلې له سیالیو بهر شوې.
د اسټرالیا بېګ باش ښځينه کرکټ لیګ د اکټوبر په ۲۵ پیل شوي دي.
د دې لوبو سږ کال پنځم پړاو دی، اتلولي یې دوه ځلې سېډني سېکسرز، یو ځل سېډني تندر او یو ځل برېسبین هیټ ګټلي دي.

Be the first to comment

Leave a Reply

Your email address will not be published.




راشد په سل بالیز کې مجیب ته ماته ورکړه او د لوبې غوره لوبغاړی شو

by سمیع الله درانی in سپورټ

د انګلستان د سل توپونو سوداګریزو سیالیو په جران کې تېره شپه اوومه لوبه د نارترن سوپرچارجرز او ټرېنټ راکېټس ترمنځ ترسره شوه. سوپرچارجرز لوبډلې چې مجیب الرحمن هم ورسره مل دی، د ټاس په ... نور ولولئ