ښایي د هندوستان کرکټ بورډ د آی پي اېل د لوبو مهالوېش وځنډوي

سپورټ یاران

وروسته له هغې چې د چینايي سوپرکېنګز کرکټ لوبډلې درې لوبغاړي او لس نور رهبرۍ غړي په کورونا ویروس  ککړ وبلل شول، د آی پي اېل د مهالوېش په اړه بیا غور پېلېدل شروع شوي.
په لوبغاړو کې یو هم سورېش‌رېنا دی، چې په کورونا ویروس اخته بلل شوی، که څه هم د شنبې پر ورځ د هندوستان ورزشي وېبپاڼو راپور ورکړ، چې سورېش‌رېنا نشي کولای چې د یوې کورنۍ ستونزې له امله په ټول آی پي اېل کې ولوبېږي، خو د شېن واټسن او ډیپک چهر له خبرو څرګندېږي، چې رېنا په کورونا اخته شوی دی.
شېن واټسن، سورېش رېنا ته په خپله ټوېټر پاڼه لیکلي، چې ته د آی پي اېل هیرو یې او خدای دې وکړي، چې ژر روغتیا ترلاسه کړې.
ډیپک چهر هم ویلي خدای دې وکړي، چې ژر ښه شې او بېرته لوبې وکړې.
خپله د ډیپک چهر ټېسټ هم مثبت ختلی دی او هغه سره یو بل تن کاجواک په نامه لوبغاړی هم په کورونا اخته بلل شوی دی.
د کرېک ټرېکر وېبپاڼې لیکلي، چې د هندوستان د کرکټ د کنټرول ادارې یوې سرچینې په اېن سایډ سپورټ برخه کې ورته ویلي، چې یاده اداره په دې غور کوي، چې د آی پي اېل لوبو مهالوېش باندې غور وکړي او ښایي وروسته یې کړي.
د هندوستان سوداګریزو کرکټ لوبو لپاره لوبډلې اوسمهال په عربي متحده اماراتو کې دي او د کرونا اړوند ټېسټونه یې ورکړي دي، چې په دغو ټېسټونو کې د سي اېس کی لوبډلې روغتیایي وضعیت د اندېښنې وړ بلل شوی.
دا چې د آی پي اېل د پېل لپاره نېټه د سپټمبر ۲۹ مه ټاکل شوې او لومړۍ لوبه یې هم د چینای سوپرکېنګز او ممبيي اېنډیئنز ترمنځ ترسره کېده.
اوس راپورونه وایي چې ښایي چینای لوبډله د لوبو د پیل سیالۍ ترسره نه کړي او ښایي مهالوېش کې وروسته ځای ورکړل شي.
د آی پي آېل سیالیو لپاره نېټه په ډاګه شوې، چې د لوبډلو ترمنځ د لوبو مهالوېش ترتیب او پر مېز اېښی دی؛ خو اوس د کورونا ویروس د وېرې له امله دغه سکېجول یا مهالوېش معطل شوی دی.


Be the first to comment

Leave a Reply

Your email address will not be published.







وروستي مطالب

د طالبانو ضد ولسي پاڅون؛ له ۱۲ ډیرو ولایتونو کې خلک پاڅیدلي، خو څه باید وشي؟

by بشر درویش in افغانستان

وروسته له هغه چې امریکا او طالبانو موافقه وکړه او اوس سږکال د امریکایي ځواکونو چټک وتل پيل شول، ورسره همهاله افغانستان کې خورا توده جګړه پيل شوه. دا اوس هم پرته له څو ولایتونو ... نور ولولئ