سپورټ کرکټ

سرېلانکا د ملینګا د هیټریک په مټ نیوزیلنډ ته حیرانوونکې ماته ورکړه

KANDY, SRI LANKA - SEPTEMBER 06: Lasith Malinga of Sri Lanka celebrates takes wicket of Ross Taylor during the Twenty20 International match between Sri Lanka and New Zealand at Pallekele Cricket Stadium on September 06, 2019 in Kandy, Sri Lanka. (Photo by Buddhika Weerasinghe/Getty Images)

لیکنه : عبدالله عادل

تېره شپه د نیوزیلنډ او کوربه سرېلانکا تر منځ د شل اوریزه لوبلړۍ وروستۍ لوبه ترسره سوه چي سرېلانکا پکښي په حیرانوونکي ډول نیوزیلنډ ته سخته ماته ورکړه.

ددغه شل اوریزي لوبي ټاس د سرېلانکا لوبډلي وګټی او لومړی یې د توپ وهني پرېکړه وکړه ، سرېلانکایي توپ وهونکي د مقابلي لوبډلي د ورو توپ اچونکو ښکار سوه د دوی له منځه ګوناتيلکا ۳۰ او ډیکویلا ۲۴ تر نورو ډیري منډي جوړي کړې چي په پای کي په شل اورونو کي د سرېلانکا لوبډلي د اتو لوبغاړو په سوځېدو سره نیوزیلنډ ته د ۱۲۶ منډو هدف وټاکه.

د نیوزیلنډ له لوري په توپ اچونه کي سنټنر او ټوډ اسټل ۳/۳ ویکټي ترلاسه کړې.

مخکنیو دوو لوبو ته په کتلو ښکارېده چي نیوزیلنډ به دا هدف په اسانۍ سره بشپړ کړي خو د سریلانکايي لوبډلمشر لسیت ملینګا خطرناکي توپ اچوني ورڅخه لار ورکه کړه . د نیوزیلنډ د پاړۍ په دریم اور کي ملینګا د یادي لوبډلي پر وړاندي هیټریک وکړ او په ټوله کي یې په اور کي په څلورو توپونو څلور ویکټي ترلاسه کړې ، چي دا اور د لوبي اړخ بدل کړ، ملینګا وروسته یو بله ویکټ هم ترلاسه کړه چي په ټوله کي یې په ۴ اورونو کي یوازي شپږ منډي ورکړې او پنځه ویکټي یې ترلاسه کړې او په خپلي ښې توپ اچوني یې سرېلانکا ته بریا ور په برخه کړه.

lasithmalinga_0.jpeg

د نیوزیلنډ څلور توپ وهونکي په صفر وسوځېدل او یواځنی لوبغاړی لوبډلمشر سوتي وو چي د لوبډلي په ګټه یې ۲۸ منډي جوړي کړې.

د شل اوریزو لوبو لړۍ نیوزیلنډ ۲ـ۱ وګټل . د لوبي د غوره لوبغاړي جایزه لسیت ملینګا ته او د لوبلړۍ د غوره لوبغاړي جایزه سوتي ته ورکړل سوه چي دریو سرو لوبو کي یې د پام وړ توپ اچونه کړې وه.

ریکارډونه:

په یاده لوبي کي ملینګا د ویکټو سلیزه ترسره کړه او په نړیواله سطحه لومړی توپ اچونکی سو چي په شل اوریزو لوبو کي سل ویکټي ترلاسه کوي.

همدا راز نوموړی د تیري شپې تر هیټریک وروسته لومړی توپ اچونکی سو چي په شل اوریزو لوبو کي دوه هیټریکونه ترسره کوي.

او ملینګا همدا راز د تیري شپې په هیټریک سره یواځنی توپ اچونکی سو چي په نړیوال کرکټ کي پنځه هیټریکونه ترسره کوي د نوموړي په یادو پنځو هیټریکونو کي یې دوه د شل اوریزو او درې د یو ورځنیو لوبو دي.

Advertisements

د لیکوال/ لیکوالې په اړه

عبدالله عادل - کندهار کې د یاران ټیم غړی