Advertisements
روغه سټه سپورټ وزش او تمرین

سهارنی ورزش ډیرې ګټې لري؛ مه یې هیروئ

لیکنه: ياران

ژباړه: نسیمه محمدي

نن ورځ ډېری خلک د وخت څخه د ښې ګټې اخېستنې په لټه کې دي، تر څو له کم وخت څخه ډېره ګټه تر لاسه کړي؛ یو له دې شمېر ګټو څخه د وزن کمښت او د بدن د اضافي وازدې لرې کول دي، مګر د ډېرو لپاره دا پوښتنه ذهن ته راځي چې د بدن و وزن کمولو او د وازدې لرې کولو لپاره غوره وخت کوم دی؟ پدې د تر سره شویو څېړنو پایلې په څو پړاوونو کې له تاسې سره شریکوو.

لومړنۍ څېړنې

یوه څېړنه چې په دې وروستیو کې د  نیویارک ټایمز ورځپاڼې له خوا په چاپ ورسېده، سپارښتنه کوي چې سهار له سبا ناري وړاندې ورزش کول په چټکۍ سره د وزن په کمېدو اغېز کوي او د ورځې په اوږدو کې د بدن وازدې د سوځولو لپاره د انرژۍ کچه لوړوي.

بل لامل چې سهارنی ورزش ډېر ژر د وزن د کمښت لامل ګرځي دا دی، چې بدن اړ کېږي ذخیره شویو توکو او غوړو څخه د بدن د انرژۍ د لاسته راوړلو لپاره کار واخلي چې دا کړنه په خپله د تازه ترلاسه شویو خوړو څخه د انرژۍ د مصرف لامل ګرځي.

په یوه څېړنه کې چې په ۲۰۱۰ کال تر سره شوه، ۲۸٪ نارینه د شپږو اونیو لپاره یو خوړنیز رژيم په پروګرام کې چې د ۳۰٪ کالوۍ او ۵۰٪  وازده د پخوا څخه درلودونکي وو، ګډون وکړ. یوې ډلې چې یواځې خوړنیز رژيم ترلاسه کوو او بلې ډلې د خوړنیز رژیم تر څنګ ورزش هم تر سره کولو.

د ورزش کوونکو ډله په دوو ګروپو وېشل شوې وه، نیمې ډلې سهار په نهاره ورزش تر سره کاوه، دوهمې ډلې بیا له کاربوهایدریت څخه بډایه خوړو خوړلو وروسته ورزش کاوه. په نهاره ورزش کوونکو ډلې بیا همدا خواړه له ورزش وروسته مصروفول.

د څېړنې د وخت پای ته رسېدو وروسته، هغه ډلې چې یواځې رژیم اخیستی وو، د پام وړ وزن تر لاسه کړی وو. بله ډله چې د سهارنۍ ترلاسه کولو وروسته یې ورزش کول تر سره کاوه، لږ وزن اخیستی وو . د دې دواړو په پرتله، هغه ډله چې د سهارنۍ له خوړو وړاندې یې ورزش تر سره کاوه، هېڅ وزن نه وو اضافه کړی. حتی هغوی بریالي کېدل د ورځې په اوږدو کې د دوو نورو ډلو په پرتله ډېر خواړه مصرف کړي، پرته له دې چې وزن یا د بدن وازده یې ډېره شي.

دوهمه څېړنه

د دې کوچنۍ او لنډ مهاله څېړنې چې د ځوانو نارینه وو په ګډون یو ځانګړی خوړنیز رژیم وو، نشول کولی دقیق نتایج تر لاسه کړو. مهم ټکې دا دې چې هغه ډله چې مخکې له سهارنۍ خوړلو یې ورزش تر سره کولو وزن یې کم نشو، یواځې د وزن له ډېرښت څخه یې مخنیوی شوی. د مقاله لیکونکي په وینا؛

« یواځنۍ پایله د دې مقالې څخه دا ده چې سهار په نهاره ورزش کول نسبت هماغه اندازه ورزش کول په موړ نس ډېر اغېزناک دي».

په دې برخه کې بله څېړنه روښانوي ولې د ورزش وخت ټاکل مهم دی؟ په دې څېړنه کې دوه ډلې نارینه وو د ماشین پر مخ منډه وهل تر سره کړل تر دې چې ۴۰۰ کیلو کالوري وسوځوي(۴۰۰ کیلوکالوري د یوې کوچنۍ ناشتا سره برابره ده). یوې ډلې په نهاره منډه تر سره کړه په داسې حال کې چې دویمې ډلې وړاندې له مندې یوه ناشتا د ۴۰۰ کیلو کالوري په درلودلو اخیستې وه.

ټولو منډه وهوونکو د تمرین په موده کې د بدن وازده له لاسه ورکړه او له منډې وروسته د لوړې کچې وازدې سوځېدنې سره مخ شول. مګر په خالي معده منډه وهونکو په ډله کې دا پایله نسبت بلې ته ډېره ښه وه په بله وینا ورزش د یو اوږده نهاروالي څخه د بدن د ډېری او اوږد مهاله وازدې سوځېدلو لامل ګرځي.

په بدن د سهارني ورزش او روښانه هوا تاثیر

بله ځانګړنه چې په سهار کې د وزن د کمېدو لامل ګرځي، د ورځې روښنایي ده. ځکه چې د لمر وړانګې کولای شي د بدن پر میتابولیزم اغېز وکړي او د ډېرېدو لامل یې شي. د بدن ساعت یا رېتم جوړول د شپې او ورځې د ۲۴ ساعته د طبېعت له نړۍ سره د میتابولیزم د چټکتیا سبب کېږي.

دې وروستۍ څېړنې ښودلې چې د سهار له لوري پلې تګ کوي او د سهارنیو وړانګو خوند اخلي، د ورځې په اوږدو کې خپلو خوړو ته له پام کولو پرته، د نورو په پرتله ډنګر وي او کولای شي خپل وزن کنترول کړي.

د دې درې څېړنو پایلې ته په کتو، کولای شو نتیجه تر لاسه کړو سهار ژر ورزش کولو سره د خپل بدن آماده ګي او فېتنس چې موخې مو دي ورسېږو بلکه نسبت هغو ته چې ناوخته د خوب ویښېږي ډېره انرژي په اختیار کې ولرو.

د یادونې وړ ده چې د به خالي معده ورزش کول کېدای شي د فشار او وینې قند ستونزې سره مخ کړي، ځکه د ماښامني د خوړلو وروسته تر هغه وخته چې د خوړو تاثیر پیلېږي او بدن ته نه وي رسېدلي کولای شي کمزوري او د فشار د ستونزې لامل شي. هڅه وکړئ له ورزش وړاندې حد اقل یوه کوچنۍ کیله نوش جان کړئ.

جانبي کشوونکي حرکتونه تر سره کړئ. په ښي لوري وغځېږئ او پښې او بالاتنه مو اوږده او صاف وغځوئ ښي لاس مو قات او د بالښت په بڼه تر سر لاندې کېږدئ. کیڼه پښه مو د زنګون سره قات او شاته یوسئ او سرین ته یې نږدې کړئ. پام مو وي چې زنګنونه مو باید اصلا له یو بل څخه لرې والی ونلري. په بل پړاو کې د کیڼ لاس سره د کیڼې پښې بند ټینګ ونیسئ تر څو د بدن تعادل له لاسه ورنکړئ. پښه مو باید تر هغو شاته کش کړئ تر څو د پښې په عضله کې درد احساس کړئ. ټول دا حرکتونه مخالف لوري ته هم تر سره کړئ.

 

Advertisements

د لیکوال/ لیکوالې په اړه

ياران