مارچ 8, 2021

روژه کې سوپ ډېره ګټه لري؛ داسې یې پوخ کړئ

Advertisements
ژباړه: مریم شريفي

سوپ یو ډول مایع لرونکي خواړه دي، که له نورو خوړو مخکې وخوړل شي، معده د هضم لپاره تیاروي.

د یادو خوړو خوړل په هر وخت کې ګټه لري، خو په روژه کې بیا د خوند سربیره لا ډېرې ګټې لري.
که غواړئ چې په روژه‌ماتې کې سوپ وخورئ د پخولو طریقه یې له دې ځایه زده کړئ:

د اړتیا ور مواد

۱- پالک۳ ګیډئ، یا دستې
۲- دال نخود نيم ګيلاس
۳- د وریجو اوړه يو ګيلاس
۴- غوړي ۱۰۰ ګرامه
۵- پیاز ۳ دانې
۶- هګۍ ۳ دانې
۷- كوفته نيم كيلو
۸- وچه نعناع يوه قاشغه
۹- مالګه د ضرورت په اندازه

د تیارولو طریقه

په یو دیګ کې غوړي سره کړئ، كوفته د پيازو او شپږو ګيلاسو اوبو سره واچوئ دال نخود، مالګه، كوركومن هم ورسره اضافه کړئ، بیا پر اور باندې كېږدئ چې كوفته او دال نخود يې پاخه شي.
وروسته بيا پالک ووېنځئ، ميده ميده يې كړئ په اوبو کې یې پاخه کړئ، یو دیګ د سوپ پخولو لپاره په اور کېږدئ، پکې پخ شوي پالک او کوفته چې له دالو سره پخ شوې هغه هم په کې واچوئ، بیا د وریجو اوړه په سړو اوبو كې حل كړئ او ورو ورو يې سوپ ته اضافه کړئ، ټول مواد سره ښه مکس کړئ، اور یې ډېر مه تیزوئ، پرېږدئ چې ورو ورو و ايشي.
وروسته بيا هګۍ سره و وهئ او لږ مالګه او مرچ ور واچوئ او ښه يې سره ګډوډ کړئ بيا يې ورو ورو لږلږ سوپ ته واچوئ ۱۰ دقیقې په نرم اور پرېږدئ چې وایشي، بیا یې راكښته كړئ.
يوه قاشغه غوړي سره کړئ، نعناع په کې واچوئ، دا هم د سوپ دیګ ته واچوئ.
خوندور سوپ تیار دی، د کورنۍ له غړو سره یې یو ځای نوشجان کړئ.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي