اپریل 18, 2021

سوماتيزيشن څه ډول ناروغي ده؟ دا ۴ یې عامې نښې دي

ژباړه

هغه اروايي ناروغان چې له جسمي نښو سرټکوي، ډيری روغتیاپالانو ته ورځي، ډيرې نسخې اخلي خو رښتینى ارام ورته نه پيدا کېږي.
له دې ډلې يې يو شمير د درد ضد درملو ته اړتيا لري.

پريشانه خلک چې جسمي شکايت لري د کارونو د سرته رسولو وس نه لري خپل کورني مسووليتونه نشي ترسره کولی او په خپلو اړيکو کې ستونزې هم لري.

کيداى شي ناروغ له ګنګسيت او د غوږونو له درد څخه شکايت ولري، بيا نو کله کله ناروغ دا عقيده پيدا کوي چې ناروغي يې لکه د سرطان په څېر يوه سخته ناروغي ده.

که هر څومره يې روغتیاپالان معاينه کړي او ورته ووايې چې ناروغي دي د بحث وړ نه ده، خو ناروغان له خپلې ناروغۍ ډارېږي او وارخطا وي.

اروايي جسمي ناروغان معمولا دغه نښې لري؛

1-سر دردي: دا يو عام وصف دى ناروغ وايي چې په سر کې يې د چايجوش غوندې اوبه غوټېږي

2-د زړه ټکان او د سينې درد: د زړه ټکان او د سينې درد هم د اروايي بوجونو نښې وي، ناروغ يې داسې بيانوي چې ګنې څوک يې په زړه زور راوړي او يا په سينه کې د بنديدو احساس ورته پيدا کېږي وايې چې سينه يې له هوا ډکه ده.

3- ګيچوالى او کمزورتیا: ټول هغه اروايي ناروغان چې د فشار لاندې وي تېزه او ژوره ساه اخلي چې په پای کې ناروغ د غوږونو د برنګس، سردردۍ او د قلبي ناحيي د ناراحتۍ احساس کوي.

4-د ملا، لاسونو، مټو او پښو دردونه: دا خو معمولي شکايتونه دي، خو د نس او د ځان درد، په ګېډه کې د بادو د شته والي د سوماتيزيشن ډيرې عادي نښې دي.